Lajme

Dakaj: Bekim Sejdiu, njeriu adekuat për President të Republikës

Autori: Gazeta inFokus 14:25 | 30 August 2026

Gazetari Shkëlzen Dakaj ka deklaruar se ish-gjyqtari i Gjykatës Kushtetuese, Bekim Sejdiu, është kandidat tejet i përshtatshëm për president të Republikës së Kosovës.

Dakaj ka thënë se Sejdiu nuk do të ishte zgjedhje vetëm për tejkalimin e krizës politike, por edhe një figurë që mund ta përfaqësojë shtetin me dinjitet.

“Beka është dëshmuar në dhjetëra raste si njeri i palëkundur në qëndrimet e tij dhe, mbi të gjitha, politikisht i pavarur në kuptimin e plotë të fjalës. Nuk është politikan partiak dhe pikërisht kjo e përmbush një prej kritereve themelore që duhet ta ketë Presidenti: të jetë përfaqësues i të gjithëve”, ka shkruar Dakaj.

-Advertisement-

Ai ka vlerësuar përvojën e Sejdiut në Gjykatën Kushtetuese dhe njohuritë e tij për rendin kushtetues e institucional të Kosovës, duke theksuar se emri i tij nuk është lidhur me afera apo pazare politike.

Sipas Dakajt, në kohën kur vendit i duhet një figurë bashkuese, Sejdiu do të ishte zgjedhje e duhur si për përfaqësimin e brendshëm, ashtu edhe për atë ndërkombëtar.

“Kosovës sot i duhet një President i shtetit, jo një President i pushtetit. Bekim Sejdiu do të mund të ishte pikërisht i tillë”, ka përfunduar Dakaj.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy