Kurti: Serbia ka bllokuar mbi 2.1 milionë euro për shqiptarët e Luginës, ato duhet të zhbllokohen
Autori: Gazeta inFokus
20:05 | 29 August 2026
Kryeministri në detyrë, Albin Kurti, ka njoftuar për takimin që sot ka zhvilluar me përfaqësues të organizatave joqeveritare, mediave, kulturës, arsimit, artit, sportit dhe studentëve nga Presheva, Bujanoci, Medvegja dhe Pazari i Ri, së bashku me Kryetarin e Këshillit Kombëtar Shqiptar, Enkel Rexhepi, deputetin Shaip Kamberi dhe Kryetaren e Komunës së Preshevës, Ardita Sinani, të cilët i ka pritur në qeveri.
Kurti ka thënë se, gjatë takimit ai i ka dëgjuar të pranishmit për pengesat me të cilat përballen, për diskriminimin sistematik e institucional dhe, për bllokimin nga institucionet e Serbisë të mbështetjes financiare që Qeveria e Kosovës ka ndarë për shqiptarët e këtyre trevave.
‘’Mjetet duhet të zhbllokohen e të arrijnë në llogarinë e Këshillit Kombëtar Shqiptar. Projektet e aprovuara duhet të realizohen sikur edhe diskriminimi nuk duhet të normalizohet’’, ka shkruar Kurti mes tjerash.
Postimi:
Sot i mirëprita në Qeverinë e Republikës së Kosovës përfaqësues të organizatave joqeveritare, mediave, kulturës, arsimit, artit, sportit dhe studentëve nga Presheva, Bujanoci, Medvegja dhe Pazari i Ri, së bashku me Kryetarin e Këshillit Kombëtar Shqiptar, Enkel Rexhepi, deputetin Shaip Kamberi dhe Kryetaren e Komunës së Preshevës, Ardita Sinani.
I dëgjova drejtpërdrejt për pengesat e pamerituara me të cilat përballen, për diskriminimin sistematik e institucional dhe, së fundmi, për bllokimin nga institucionet e Serbisë të mbështetjes financiare që Qeveria e Republikës së Kosovës ka ndarë për shqiptarët e këtyre trevave.
Kjo mbështetje nuk është as e fshehtë, as e paqartë dhe është komplet transparente.
Për vite me radhë, mbështetja për arsimin, kulturën, artin, sportin, median dhe organizatat e shoqërisë civile është realizuar përmes Këshillit Kombëtar Shqiptar, institucionit përfaqësues të shqiptarëve sipas vetë legjislacionit të Serbisë.
Tash janë bllokuar dy transfere: 304,511.16 euro në janar të vitit 2026, dhe 1,837,511.16 euro në prill 2026. Me këto mjete lidhen 136 projekte në arsim, kulturë, artë, sport, përdorim të gjuhës shqipe dhe simboleve kombëtare, media si dhe mbështetje për fëmijët me nevoja të veçanta, 61 familje të nxënësve që kanë humbur njërin apo të dy prindërit, si dhe programet për libra falas, praktikë profesionale dhe mbravatjen e Këshillit Kombëtar Shqiptar.
Prandaj, kjo nuk është çështje teknike, sepse kur bllokohen mjetet për libra, pasojën e ndien nxënësi. Kur bllokohet mbështetja për kulturën, dobësohet identiteti. Kur bllokohet media në gjuhën shqipe, zvogëlohet hapësira publike e shqipes. Kur bllokohen programet e Këshillit Kombëtar Shqiptar, dobësohet vetë kapaciteti institucional I shqiptarëve në këto treva.
Përfaqësuesit ngritën shqetësimin se izolimi financiar po bëhet instrument shtesë mbi një realitet tashmë të rënduar nga nën-përfaqësimi në institucione, pengesat në punësim, mosnjohja e diplomave nga Kosova, problemet me përdorimin e gjuhës shqipe dhe pasivizimin e adresave të shqiptarëve atje. Pozita e shqiptarëve në Preshevë, Bujanoc, Medvegjë dhe Sanxhak është çështje e të drejtave të njeriut, e sundimit të ligjit dhe e përgjegjësisë së një shteti kandidat për anëtarësim në Bashkimin Evropian.
Qeveria e Republikës së Kosovës do të vazhdojë mbështetjen për shqiptarët e Preshevës, Bujanocit, Medvegjës dhe Sanxhakut, si dhe avokimin ndërkombëtar për të drejtat e tyre.
Mjetet duhet të zhbllokohen e të arrijnë në llogarinë e Këshillit Kombëtar Shqiptar. Projektet e aprovuara duhet të realizohen sikur edhe diskriminimi nuk duhet të normalizohet.

T� tjera
-
Sa kushton sot një litër naftë dhe benzinë? Kjo është gjendja në tregun kosovar
Rënia e çmimit të derivateve të naftës në tregjet ndërkombëtare është reflekt...
-
“Muj me hapë kompani në Tiranë e me ble rrymë prej Vuk Hamoviqit”, Janina Ymeri thotë se Kurti nuk e ka seriozisht ndalimin e tregtimit të energjisë me Serbinë
Deputetja e Lidhjes Demokratike të Kosovës (LDK), Janina Ymeri, është deklaru...
-
Albin Kurti e gjen zëvendësimin për Luan Dalipin, Blerim Sallahu shef i ri kabinetit të tij
Blerim Sallahu tashmë mban pozitën e shefit të kabinetit të kryeministrit Alb...
-
Kryediplomati spanjoll: Kurrë s’do të jemi pengesë për dialogun mes Prishtinës dhe Beogradit e as pengesë e afrimit të Kosovës me BE’në
Spanja nuk do të jetë pengesë për afrimin e Kosovës me Bashkimin Evropian, de...
-
Kusari-Lila në Vjenë: BE-ja nuk është e plotë pa Ballkanin Perëndimor
Ministrja e Tregtisë dhe Industrisë, Mimoza Kusari-Lila, ka marrë pjesë në pa...
-
AUV kthen në Serbi 27 tonë misër për shkak të nivelit të lartë të aflatoksinës
Agjencia e Ushqimit dhe Veterinarisë (AUV) ka refuzuar importin dhe ka kthyer...
-
Shqipëri/ Aksidenti në autostradën Fier-Vlorë, humb jetën shefi i Krimeve të Rënda
Ka ndërruar jetë në aksidentin e rëndë të ndodhur pak minuta më parë në autos...
-
Prokuroria Speciale nis hetimet për incizimet ku Halil Thaçi tregon se si bashkë me Kurtin kurdisi konkursin në KEK
Prokuroria nis hetimet për audio-incizimin që VOX Kosova publikoi, ku Thaçi t...
-
Alarmon AUV, tërhiqet nga tregu VITA 3.2%
Agjencia e Ushqimit dhe Veterinarisë (AUV) ka urdhëruar tërheqjen e menjëhers...
-
Tragjedi në Gjermani: Dy të rinj nga Rahoveci humbin jetën në aksident
Një aksident i rëndë trafiku ka ndodhur të dielën në Gjermani, ku kanë humbur...
-
Çitaku: Pas rivotimit, ndërkombëtarët të kontribuojnë në ndryshimin e Ligjit për Specialen
Ushtruesja e detyrës së kryetares së Partisë Demokratike të Kosovës (PDK) në ...
-
Kosova dhe Austria drejt nënshkrimit të marrëveshjes për sigurime sociale
Ministri i Punës, Familjes dhe Vlerave të Luftës Çlirimtare, Andin Hoti, ka p...


































