Lajme

Rama nis zbatimin e “Besës”, mbledh deputetët dhe të deleguarit e Tiranës

Autori: Gazeta inFokus 15:06 | 29 August 2026

Kryeministri i Shqipërisë, Edi Rama ka mbledhur që prej orës 11.00 në periferi të kryeqytetit, të deleguarit e qarkut të Tiranës dhe deputetët.

Takimi vjen vetëm disa orë pas mbledhjes së zhvilluar të mbrëmjes së të premtes, ku në fokus është një qasje e re komunikimi e qeverisë me qytetarët.

Të gjitha takimet që do të shtrihen në territor do të jenë joformale, pa media dhe do të kenë në fokus zbatimin e platformave të reja të komunikimit të qeverisë në këtë mandat të 4-t të Edi Ramës.
Ky takim vjen gjithashtu pasi, mbrëmjen e djeshme, me një shkresë zyrtare, Erion Veliaj, kryebashkiaku i Tiranës, nga paraburgimi i Durrësit, firmosi shkarkimin e kryetares së komanduar të Bashkisë, Anuela Ristani.

-Advertisement-

Deri më tani nuk konfirmohet nëse ky zhvillim është pjesë e diskutimeve të sotme të deputetëve të Tiranës.

Në javën e dytë të shtatorit, pritet që Edi Rama të thërrasë Asamblenë e PS-së, ku priten edhe lëvizje në qeveri dhe në institucione, për të rritur cilësinë e shërbimeve ndaj qytetarëve.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy