Lajme

Çitaku i kundërpërgjigjet Haxhiut: Nuk pranojmë leksione nga VV-ja, ata po shkelin Kushtetutën

Autori: Gazeta inFokus 11:35 | 18 August 2026

Sekretarja e Partisë Demokratike të Kosovës, Vlora Çitaku, ka kritikuar veprimet e Lëvizjes Vetëvendosje, duke i cilësuar ato si shkelje të Kushtetutës dhe të vendimeve të Gjykatës Kushtetuese.

Çitaku tha se shkelja e Kushtetutës nuk duhet të shndërrohet në normë dhe normalitet, ndërsa akuzoi Vetëvendosjen se po e mban peng funksionimin e institucioneve të Kosovës.

“Në një demokraci parlamentare, dialogu, debati, pajtimet dhe mospajtimet janë normale. Por ajo që nuk është normale është shkelja e Kushtetutës. Nuk guxon të shndërrohet në normë e normalitet. Kushtetuta është mbi çdo parti. Kanë kaluar 555 ditë nga zgjedhjet e shkurtit të vitit 2025. Ne flasim për pozita e poste të pushtetarëve, ndërsa na pamundësohet të flasim për hallet e qytetarëve. E ftojmë deputetin Kurtin, deputeten Haxhiu dhe të gjithë ata që po e mbajnë peng Kuvendin, që të mundësojnë konstituimin e tij”, tha ajo.

-Advertisement-

Çitaku iu përgjigj edhe deklaratës së deputetes së Vetëvendosjes, Albulena Haxhiu, e cila më herët kishte thënë se, nëse ka shkelje, çështja duhet të dërgohet në Gjykatën Kushtetuese.

“Nuk pranojmë leksione nga Vetëvendosje. Ata nuk brengosen fare që e shkelin Kushtetutën”, u shpreh Çitaku.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy