Lajme

Kabashi-Ramaj: Asnjë parti nuk është mbi Kosovën, konstituoni Kuvendin

Autori: Gazeta inFokus 11:17 | 18 August 2026

Deputetja e PDK-së, Besa Kabashi-Ramaj, ka reaguar për mos-thirrjen e seancës për konstituimin e Kuvendit të Kosovës, shkruan Gazeta Infokus.

Ajo ka thënë se vazhdimi i kësaj situate, sipas saj duhet të alarmojë të gjithë, pasi vendi po mbetet pa institucione të konstituuara.

“Edhe sot nuk është thirrur seanca për konstituimin e Kuvendit të Kosovës. Edhe sot vazhdon Kosova pa institucione të konstituuara dhe kjo duhet të na alarmojë të gjithëve”, ka deklaruar Kabashi-Ramaj.

-Advertisement-

Deputetja e PDK-së ka kritikuar zvarritjen e procesit, duke theksuar se deputetët janë zgjedhur për të punuar dhe për t’u marrë me problemet e qytetarëve.

“Asnjë fitore nuk e jep të drejtën ta vendosësh veten mbi Kushtetutën e Kosovës. Asnjë parti nuk është mbi Kosovën”, ka thënë ajo.

Kabashi-Ramaj ka ngritur shqetësimin edhe për funksionimin e institucioneve demokratike, duke paralajmëruar se mosfunksionalizimi i Kuvendit dhe mungesa e mbikëqyrjes institucionale mund të jenë shenja shqetësuese për demokracinë.

“Demokracia nuk shkatërrohet domosdoshmërisht brenda një nate. Ajo fillon të dobësohet kur një lider nuk i pranon më kufijtë që ia vendos Kushtetuta e Republikës së Kosovës”, është shprehur ajo.

Në fund, Kabashi-Ramaj i ka bërë thirrje Albin Kurtit që të thërrasë seancën dhe të mundësojë konstituimin e Kuvendit.

“Kurti, thirre seancën, konstituo Kuvendin, respekto Kushtetutën. Sepse Kosova nuk është pronë e një lideri dhe askush nuk ka të drejtë ta mbajë peng të ardhmen e saj”, ka përfunduar ajo.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy