Lajme

Hamza: Presim drejtësi, 16 shtatori duhet të jetë dita e kthimit të ish-krerëve të UÇK-së në shtëpi

Autori: Gazeta inFokus 18:25 | 16 August 2026

Kryetari i PDK-së, Bedri Hamza, ka reaguar një muaj para 16 shtatorit, datë kur pritet të përfundojë procesi gjyqësor ndaj ish-krerëve të UÇK-së në Hagë.

“Pritshmëritë dhe kërkesat tona janë të qarta: drejtësi dhe lirim”, ka shkruar Hamza.

Ai ka thënë se 16 shtatori duhet të jetë dita kur mbyllet ky kapitull i dhimbshëm dhe kur katër ish-udhëheqësit e UÇK-së kthehen në shtëpi.

-Advertisement-

“Presim edhe 30 ditë. Presim drejtësi”, ka përfunduar Hamza.

Postimi i plotë:

Sot na ndajnë 30 ditë nga 16 shtatori, dita kur do të marrë fund procesi gjashtëvjeçar i padrejtë, që i ka mbajtur Hashim Thaçin, Kadri Veselin, Jakup Krasniqin dhe Rexhep Selimin të izoluar në Hagë.

Gjashtë vite paraburgim. Gjashtë vite larg familjeve dhe Kosovës. Gjashtë vite përballje me paragjykime, tendenca, narrativa politike, shkelje të të drejtave dhe padrejtësi të shumta.

Pritshmëritë dhe kërkesat tona janë të qarta: drejtësi dhe lirim.

Pas gjashtë vitesh, 16 shtatori duhet të jetë dita kur mbyllet ky kapitull i dhimbshëm për lirinë, pavarësinë dhe shtetndërtimin tonë. Duhet të jetë dita kur katër ish-udhëheqësit e UÇK-së kthehen në shtëpi.

Presim edhe 30 ditë. Presim drejtësi

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy