Lajme

Armend Mehaj: Ramushi dhe Albini duhet të gjejnë rrugën e pajtimit politik

Autori: Gazeta inFokus 15:17 | 15 August 2026

Ish-ministri i Mbrojtjes, Armend Mehaj, ka reaguar lidhur me zhvillimet e fundit në Kuvendin e Kosovës, duke dënuar gjuhën fyese dhe përçarëse të përdorur gjatë seancës.

Mehaj ka thënë se thirrjet për “pushkatimin e Kryeministrit Ramush Haradinajt” dhe epitetet drejtuar kryeministrit Albin Kurti janë të papranueshme dhe nuk duhet të kenë vend në Kuvend.

Ai ka theksuar se dallimet politike janë pjesë e demokracisë, por nuk duhet të shndërrohen në fyerje, linçim apo mohimin e patriotizmit të njëri-tjetrit.

-Advertisement-

“Ramush Haradinaj është ish-komandant i Zonës Operative të Dukagjinit, ndërsa familja heroike Haradinaj dhe qindra familje të tjera shqiptare kanë dhënë sakrifica të jashtëzakonshme për lirinë që gëzojmë sot”, ka deklaruar Mehaj.

Në të njëjtën kohë, ai ka vlerësuar se edhe Albin Kurti është pjesë e jetës politike të Kosovës dhe përfaqëson një rrugë politike të krijuar brenda vendit.

“I njoh të dy mirë, dhe asnjëri prej tyre nuk e do Serbinë, e as Rusinë”, ka shkruar Mehaj, duke bërë thirrje për pajtim politik ndërmjet Kurtit dhe Haradinajt.

Mehaj është shprehur i gatshëm të kontribuojë personalisht në afrimin e subjekteve politike shqiptare, nëse një nismë e tillë i shërben interesit të Republikës, stabilitetit politik dhe integrimit evropian e euroatlantik të Kosovës.

Ai ka përmendur VV-në, PDK-në, LDK-në dhe AAK-në si partitë kryesore politike të vendit, duke theksuar se Kosova nuk ka një alternativë tjetër.

“Uniteti nuk do të thotë të mendojmë njësoj. Uniteti do të thotë ta duam të njëjtin vend dhe ta vendosim Kosovën mbi interesat tona politike”, ka përfunduar Mehaj.

Sipas tij, Kosova ka nevojë për stabilitet politik, institucione funksionale, dialog dhe bashkëpunim, ndërsa sfidat e vendit kërkojnë përgjegjësi shtetërore dhe bashkim politik kur është në pyetje interesi i Republikës.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy