Lajme

Dyshohet se shantazhoi një grua për 50 mijë euro, arrestohet në flagrancë i dyshuari në Prizren

Autori: Gazeta inFokus 16:34 | 13 August 2026

Prokuroria Themelore në Prizren, në bashkëpunim me Policinë e Kosovës, ka arrestuar në flagrancë një person të dyshuar për shantazh dhe ngacmim, pas një hetimi të zhvilluar edhe përmes masave të veçanta hetimore.

Sipas Prokurorisë, i dyshuari S.Q. dyshohet se nga qershori i vitit 2025 deri më 13 gusht 2026, në Prizren dhe përmes rrjeteve sociale, ka kanosur dhe shantazhuar një grua me qëllim të përfitimit të kundërligjshëm financiar.

I dyshuari, përmes aplikacionit WhatsApp, dyshohet se i ka bërë presion të dëmtuarës duke e kërcënuar se do t’u publikonte dhe dërgonte familjarëve materiale që, sipas tij, do t’i cenonin nderin dhe autoritetin.

-Advertisement-

Në këtë mënyrë, sipas dyshimeve të Prokurorisë, ai ka kërkuar dhe ka përfituar deri në 50 mijë euro nga e dëmtuara. Kjo e fundit dyshohet se ka siguruar paratë, ndër të tjera, edhe përmes shitjes së arit të marrë nga nëna dhe familjarët e saj.

Prokuroria ka bërë të ditur se i dyshuari dyshohet se ka vazhduar komunikimet e padëshiruara dhe kërcënuese, duke i shkaktuar të dëmtuarës frikë dhe shqetësim të madh emocional për veten dhe familjen.

Gjatë veprimeve hetimore janë sekuestruar 21 mijë e 100 euro, një veturë dhe dy telefona celularë.

S.Q. ndodhet në ndalim prej 48 orësh, ndërsa Prokuroria, brenda afatit ligjor, do të vlerësojë paraqitjen e kërkesës për caktimin e masës për sigurimin e pranisë së tij në procedurën penale.

Prokuroria Themelore në Prizren, në bashkëpunim me Policinë e Kosovës, ka njoftuar se po vazhdon hetimet për zbardhjen e plotë të rastit dhe sigurimin e provave relevante.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy