Lajme

Konstituimi i Kuvendit, Kusari-Lila me një afat të ri: Mund të jenë 30 ditë prej nisjes së seancës

Autori: Gazeta inFokus 15:54 | 11 August 2026

Deputetja e Vetëvendosjes, Mimoza Kusari-Lila, e ka dhënë një afat të ri se kur mund të konstituohet Kuvendi i Kosovës kur u pyet nga gazetarët për thirrjen e një seance të re.

Ajo këtë përgjigje e dha nga Kuvendi i Kosovës ku dyert iu hapën mërgimtarëve për vizitë.

“Në bazë të përvojës së mëhershme, domethënë edhe në vitin e kaluar edhe pas aktgjykimit të Gjykatës Kushtetuese nuk ka qenë brenda 30 ditëve, ka qenë kur janë krijuar kushtet. Besoj se nëse shikohet me fillimin e seancës, të paktën prej asaj dite në vazhdim mund të jenë 30 ditë, por prapë kjo është subjekt i interpretimit edhe të drejtuesit të seancës edhe organit kompetent, në këtë rast nëse ka dyshime Gjykatës Kushtetuese”.

-Advertisement-

Por, Kusari-Lila thotë se dialogun mes partive politike e do “më shumë se çkado tjetër”.

“Unë uroj që në një afat të shkurtër të rikthehet fryma e dialogimit dhe diskutimit dhe dakordimit politik për organet e vendit”.

“Nxitje” për ta dërguar në Gjykatë Kushtetuese moskonstituimin e Kuvendit brenda afatit kushtetues kanë dhënë edhe figura të tjera të Vetëvendosjes, përfshirë u.d. presidenten Albulena Haxhiu, si dhe ministrin në detyrë të Jashtëm, Glauk Konjufca.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy