Lajme

Goditje për AAK-në në Prishtinë: Endrit Gashi jep dorëheqje, do të vazhdojë si asambleist i pavarur

Autori: Gazeta inFokus 20:26 | 04 August 2026

Endrit Gashi, asambleisti i Aleancës për Ardhmërinë e Kosovës (AAK) në Prishtinë në dy mandatet e fundit, ka njoftuar dorëheqjen e tij nga partia.

Përmes një njoftimi publik, Gashi tha se vendimi vjen pas një periudhe të gjatë zhvillimesh, të cilat, sipas tij, janë shoqëruar me sulme të orkestruara dhe publikime të porositura nga individë brenda partisë, me synimin për të dëmtuar figurën e tij dhe të familjes.

“Ky vendim vjen si rezultat i zhvillimeve që kanë ndodhur gjatë një periudhe të gjatë, të shoqëruara me sulme të orkestruara dhe, së fundmi, me publikime të porositura nga individë brenda partisë, me qëllim të denigrimit të figurës sime dhe të familjes sime”, ka shkruar Gashi.

-Advertisement-

Ai theksoi se gjatë angazhimit të tij ka vepruar me përkushtim, integritet dhe përgjegjësi, duke i qëndruar besnik parimeve, ligjit dhe interesit publik.

“Për fat të keq, kur sulmet personale zëvendësojnë debatin politik dhe kur tolerohen praktika që cenojnë dinjitetin njerëzor, vazhdimi i angazhimit tim nuk është më i mundur”, u shpreh ai.

Megjithatë, Gashi bëri të ditur se nuk do të largohet nga Kuvendi Komunal i Prishtinës. Ai njoftoi se mandatin do ta vazhdojë si asambleist i pavarur.

“Betejën dhe angazhimin tim në Kuvendin Komunal të Prishtinës do ta vazhdoj si asambleist i pavarur, me të njëjtin përkushtim, integritet dhe përgjegjësi ndaj qytetarëve që më kanë besuar votën e tyre”, thuhet në njoftimin e tij.

Në fund, Gashi falënderoi qytetarët, miqtë dhe bashkëpunëtorët për mbështetjen, duke theksuar se besimi i tyre ka qenë motivimi më i madh gjatë angazhimit të tij politik.

 

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy