Lajme

Shqipëria i shpall “non grata” një imam dhe një analist nga Maqedonia e Veriut

Autori: Gazeta inFokus 15:28 | 04 August 2026

Valon Bela dhe Bekir Halimi, dy shtetasit nga Maqedonia e Veriut që u shpallën non grata nuk do të lejohen të futen në territorin shqiptar për një periudhë 10-vjeçare.

Ndërkohë, siç raportohet për Valon Beljan autoritetet shqiptare kanë lëshuar edhe urdhër dëbimi.

Siç raportohet motivacioni për të cilin dy shtetasit nga Maqedonia e Veriut janë shpallur non grada kanë të bëjnë me vepra ose propagandë kundër sovranitetit të Republikës së Shqipërisë, sigurisë kombëtare, rendit kushtetues dhe rendit e sigurisë publike.

-Advertisement-

Po ashtu, në motivacion përmenden edhe dyshime për anëtarësim në organizata terroriste, si dhe përkrahje ose kryerje të veprimeve anarkiste kundër shtetit ligjor.

Bekir Halimi është imam nga Maqedonia e Veriut. Ai ka qenë pjesë e strukturave fetare në këtë shtet, por në vitin 2016 u përjashtua nga Bashkësia Fetare Islame e Maqedonisë së Veriut, pas përplasjeve me drejtuesit e këtij institucioni.

Ndërkohë, Valon (Valjon) Belja njihet si analist politik dhe ish-aktivist politik në Maqedoninë e Veriut. Ai ka komentuar zhvillimet politike në rajon dhe më herët ka ushtruar edhe detyrën e shefit të kabinetit të Ministrit të Shëndetësisë në Maqedoninë e Veriut.

Disa javë më parë, Ministria e Brendshme vendosi të shpallë “non-grata” edhe shtetasen e Kosovës, Ikballe Huduti, duke i ndaluar hyrjen në vend për një periudhë prej 15 vitesh.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy