Lajme

Arrestohen tre persona në Prishtinë, dyshohen se falsifikonin dokumente për persona në kërkim ndërkombëtar

Autori: Gazeta inFokus 16:42 | 23 July 2026

Tre persona janë arrestuar të mërkurën në Prishtinë, në kuadër të një aksioni të realizuar nga Prokuroria Themelore në Prishtinë, në bashkëpunim me Policinë e Kosovës dhe Agjencinë e Kosovës për Inteligjencë, nën dyshimet për veprën penale “Falsifikimi i dokumenteve”.

Sipas njoftimit të Prokurorisë, bastisjet janë zhvilluar në tri lokacione të ndryshme, ku janë arrestuar të dyshuarit me inicialet G.Th., E.G. dhe Sh.Sh.

Aksioni është zhvilluar në kuadër të hetimeve për veprën penale “Falsifikimi i dokumenteve”.

-Advertisement-

Prokuroria bëri të ditur se, gjatë hetimeve, janë zbatuar masa të veçanta hetimore përmes të cilave janë siguruar prova materiale, përfshirë komunikime të zhvilluara në rrjete sociale, kontakte ndërmjet të dyshuarve, si dhe dokumente të falsifikuara të shteteve të ndryshme.

Sipas dyshimeve të deritanishme, të arrestuarit falsifikonin dokumente të ndryshme identifikimi, përfshirë letërnjoftime, patentë shoferi dhe pasaporta të disa shteteve evropiane.

Këto dokumente, sipas Prokurorisë, u siguroheshin personave që kërkoheshin me fletarrest ndërkombëtar, të cilët synonin t’i përdornin për veprimtari të kundërligjshme. Për dokumentet e falsifikuara dyshohet se paguheshin shuma deri në 15 mijë euro.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy