Rozë

G-Bani del me reagim për rastin e Gjestit

Autori: Gazeta inFokus 11:30 | 13 March 2026

Gjesti përballet sot me drejtësinë, pas incidentit të raportuar dy ditë më parë në zyrat e kompanisë “Onima” në Prishtinë. Në prag të kësaj seance, G-Bani ka bërë një reagim të fortë publik në mbështetje të artistit.

Përmes një postimi, G-Bani thekson se problemi i Gjestit nuk është vetja e tij, por rrethi i gabuar shoqëror që nuk e ka ndaluar të bëjë veprime të nxituara. Sipas tij, gjithçka ka ardhur si pasojë e moshës, presionit të famës dhe gjendjes së rënduar emocionale pas humbjes së vëllait.

“U pre në besë kur e denoncuan,” shprehet G-Bani, ndonëse e pranon hapur se rruga që zgjodhi Gjesti për të zgjidhur konfliktin ishte krejtësisht e gabuar.

-Advertisement-

Në fund, ai bën një apel për autoritetet: Gjesti të marrë një mësim apo një gjobë të majme, por mos t’i mohohet liria, pasi sipas tij, artisti nuk përbën rrezik dhe nuk meriton t’i ndërpritet karriera në këtë pikë.