Rozë

“Jemi me Brikenën”- Pas miratimit të nënës së saj, reagon edhe familja e Mateos

Autori: Gazeta inFokus 11:34 | 26 January 2026

Pas vizitës së nënës së Brikenës në shtëpinë e “BBVA”-s, si dhe deklaratës së saj në emisionin “Fan Club”, ka ardhur edhe reagimi i familjarëve të Mateos.

Në deklaratën e saj, nëna e Brikenës u shpreh hapur në mbështetje të vajzës së saj dhe zgjedhjeve që ajo bën:
“Mateo është shumë djalë i mirë, kam respekt. Jemi me Brikenën, çfarë të vendosë ajo, me atë jemi dhe ne. Nuk jemi kundër kurrëgjëje”, deklaroi ajo.

Kjo deklaratë është vlerësuar edhe nga familja e Mateos, e cila përmes rrjeteve sociale ka theksuar se respekton çdo familje që zgjedh të komunikojë me gjuhën e dashurisë dhe jo të paragjykimit.

-Advertisement-

Sipas tyre, mbi gjithçka mbetet parësore lumturia e Mateos dhe liria e tij për të marrë vendime për jetën e vet.

Ndërkohë, publikut i mbetet të presë dhe të shohë se çfarë do të ndodhë më tej mes dyshes më të përfolur të momentit në rrjetet sociale.