Fokusi në Komuna

Rukiqi: Abdixhiku dhe liderët e partive u pajtuan të kalohen çështjet emergjente – kërkesa e Kurtit ishte absurde dhe antikushtetuese

Autori: Gazeta inFokus 19:21 | 25 Nëntor 2025

Deputeti i LDK-së, Berat Rukiqi, në një intervistë për “Fokusi n’Komuna”, ka bërë të ditur se gjatë takimeve konsultative të Presidentes me liderët e partive politike, është kërkuar dhe konfirmuar vullneti i përbashkët që të procedohen vetëm çështjet emergjente brenda kufijve ligjorë dhe kushtetues.

Sipas Rukiqit, kryetari i LDK-së, Lumir Abdixhiku, ashtu si edhe liderët e tjerë partiakë, kanë shprehur gatishmërinë që të kalohen disa pika të domosdoshme, përfshirë buxhetin e RTK-së, buxhetin për komunat Prishtinë dhe Gjilan, si edhe pakon e rritjes.

Rukiqi u shpreh se kërkesa e deputetit Glauk Konjufca, që një qeveri në detyrë të miratojë buxhet të plotë dhe kryeministri në detyrë ta paraqesë pastaj si ekspoze qeveritare, ishte e papranueshme.

-Advertisement-

“Kjo ishte absurde, e paligjshme dhe antikushtetuese. Ne në këto rrethana kemi kërkuar që të kalojnë vetëm çështjet emergjente, sepse nuk mund të sillet një qeveri në detyrë sikur të ishte qeveri me mandat të plotë,” deklaroi ai.

Deputeti i LDK-së shtoi se subjekti i tij ka qenë i gatshëm të mbështesë vetëm masat minimale të domosdoshme, ndërsa përgjegjësia për bllokimin e procesit bie mbi Qeverinë në detyrë.

NDIQENI LIVE:

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokusi-ne-komuna

Ky website përdor cookies. Duke vazhduar përdorimin, ju pranoni përdorimin e tyre.

Privacy policy