Rozë

Kur nis Big Brother VIP Kosova 4, dhe kush janë “super” karakteret që do të marrin pjesë?

Autori: Gazeta inFokus 15:06 | 17 September 2025

Prezantuesi i njohur, Alaudin Hamiti, ka ndarë disa informacione të reja për edicionin e katërt të Big Brother VIP Kosova, duke rritur pritshmëritë e publikut për një sezon edhe më emocionues.

Në një postim në rrjete sociale, ai konfirmoi se përgatitjet për spektaklin më të madh televiziv në vend janë në fazën finale, por nuk ka zbuluar ende datën e saktë të nisjes.

Sa i përket banorëve, Hamiti tregoi se procesi i përzgjedhjes është drejt fundit dhe premtoi surpriza të mëdha për publikun.

-Advertisement-

“Janë super karaktere”, ka thënë ai, duke lënë të kuptohet se në shtëpi do të futen figura që pritet të sjellin dinamika të reja dhe lojëra interesante.

Big Brother VIP Kosova, që tashmë është kthyer në fenomen mediatik, pritet që edhe këtë vit të mbajë publikun të mbërthyer para ekranit me lojërat, strategjitë dhe historitë e banorëve.

Për detaje të tjera, publiku duhet të presë edhe pak, pasi surprizat ende nuk janë zbuluar.