Lajme

Ymeri për VV-në: Nuk po japin shenja se kanë ndërmend t’i respektojnë procedurat ligjore

Autori: Gazeta inFokus 08:47 | 11 Prill 2025

Analisti Visar Ymeri ka komentuar zhvillimet e fundit politike në vend, duke e konsideruar të mundshme krijimin e një qeverie nga partitë që deri më tani kanë qenë në opozitë, shkruan Gazeta Infokus.

Ai përmendi dy arsye kryesore që mund të çojnë në formimin e një koalicioni të tillë.

Sipas Ymerit, këto parti kanë një pajtueshmëri më të madhe programore, veçanërisht në çështje të rëndësishme si dialogu me Serbinë dhe marrëdhëniet ndërkombëtare.

-Advertisement-

“Unë e shoh të mundshme një qeveri të përbërë nga partitë opozitare për dy arsye: kanë pajtueshmëri në pikat programore, sidomos për dialogun dhe politikën e jashtme,” deklaroi ai në emisionin “Debat Plus”.

Ymeri theksoi gjithashtu se kur një koalicion ndërtohet nga parti me fuqi të përafërt politike, ka më shumë qëndrueshmëri dhe rreziku për prishje të koalicionit është më i vogël.

“Kur ke një koalicion të përbërë nga parti me madhësi të përafërt, gjasat për të vazhduar janë më të mëdha. Sepse, nëse bie qeveria, përballen me rrezikun e kthimit të VV-së në pushtet përmes zgjedhjeve të parakohshme,” u shpreh Ymeri.

Analisti nuk kurseu as kritikat për sjelljen politike të Lëvizjes Vetëvendosje dhe liderit të saj, Albin Kurti. Ai tha se VV-ja dhe disa prej përfaqësuesve të saj po japin sinjale se nuk janë të gatshëm të respektojnë proceset demokratike dhe institucionale, në rast se nuk arrijnë të formojnë qeverinë.

“Sjelljet e deritashme të VV-së, dhe në disa raste edhe të partive të tjera, tregojnë mungesë gatishmërie për të respektuar një procedurë demokratike, e cila duhet të përfillet pavarësisht nëse u konvenon apo jo,” theksoi Ymeri.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy