Lajme

Haradinaj: Të dyfishohen urgjentisht pagat për ushtarët e FSK-së dhe gjithë sektorin e sigurisë në Kosovë

Autori: Gazeta inFokus 13:37 | 28 Mars 2025

Kreu i AAK-së, Ramush Haradinaj, ka thënë se është urgjente që të dyfishohen pagat për të gjithë sektorin e sigurisë në Kosovën, shkruan Gazeta Infokus.

Ai e bëri këtë thirrje pas betimit të 344 ushtarëve të rinj të FSK-së, në një ceremoni të mbajtur sot. Haradinaj theksoi se paga e dinjitetshme për ushtarët, policinë, inteligjencën dhe strukturat tjera të sigurisë është një obligim qeveritar dhe kombëtar.

“Të rinjtë tanë vazhdojnë të dëshmojnë përkushtimin e tyre për atdheun dhe sigurinë e vendit. Sot, 344 ushtarë të rinj u certifikuan, duke marrë përgjegjësinë për t’i shërbyer Kosovës me nder dhe përkushtim. Ky është një moment krenarie për ta, për familjet e tyre dhe për gjithë vendin.

-Advertisement-

Me përkushtim të madh, kam qenë gjithmonë në përkrahje të Forcave të Sigurisë, e po me atë përkushtim, ngritëm statusin e Forcës në Ushtri, me përkrahje të aleatëve. Sot, Kosova ka ushtrinë më të re, sipas modelit të NATO-s, të përkushtuar për sigurinë në vend, stabilitetin në rajon dhe të gatshme për operacione paqeruajtëse kudo në botë, si anëtare e NATO-s përkrah Amerikës dhe aleatëve tjerë strategjikë. Është urgjencë që të dyfishohen pagat për të gjithë sektorin e sigurisë në Kosovë, sidomos në këto rrethana mbi të cilat gjendet sektori i sigurisë në rajon e më gjerë. Paga e dinjitetshme e ushtarit, policit, inteligjencës e më gjerë është obligim qeveritar e kombëtar. Urime dhe shumë suksese në këtë mision fisnik!”, ka shkruar kreu i AAK-së.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy