Fokus

Lumbardh Salihu: E kam lënë një rrogë 10 mijë franga në muaj në Zvicër, vetëm për të kontribuar në Kosovë

Autori: Gazeta inFokus 11:58 | 16 November 2024

Kandidati i Lidhjes Demokratike të Kosovës për deputet, Lumbardh Salihu, ka folur për arsyet që e bindën atë që t’i hyj garës së nxehtë zgjedhore të 9 shkurtit.

Salihu në “Podcast me Shkëlzen Dakaj”, ka treguar se e ka lënë në Zvicër një pagë prej 10 mijë franga në muaj, vetëm që vie në Kosovë dhe të kontribuoj për vendin.

“Unë e kam pas gjithmonë atë synimin që me ardhë në Kosovë dhe me kontribu për vendin. Unë e kam lënë njëfar rroge, e kam pas rrogën 10 mijë franga në Cyrih ku kam punu, mirëpo e kam lënë sepse kam deshtë me kontribu për vendin tem. Po du me thënë që qëndroj mirë ekonomikisht, nuk kam ardhë në politikë me u pasuru ose diçka, por përnime me kontribu dhe me ju ndihmu të rinjëve sepse mendoj që rinia ka nevojë për ndihmë dhe ka nevojë për projekte dhe programe të reja”, ka thënë Salihu.

-Advertisement-

Politika, ai ka treguar se ka qenë gjithmonë një temë e rëndësishmë ne familjen e tij. Kjo për shkakun se edhe babai i tij, Salih Salihu, ka qenë deputet i Kuvendit të Kosovës.

“Qysh kanë thënë të vjetërit, dardha pikë nën dardhë. Unë vij prej një familje që ka pas qasje në politikë, babën e kam pas deputet për dy mandate dhe politika ka qenë gjithmonë temë në shtëpi. Sikur në çdo shtëpi kosovare, edhe tek ne ka qenë temë aktive, edhe unë e kam pas qaty synimin tim”, ka deklaruar fituesi i Big Brother Vip Kosova. /Gazeta Infokus

Intervistën e plotë mund ta ndiqni në linkun më poshtë:

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

fokus