Sport

Lajm i hidhur për sportin kosovar, shuhet KB Drita

Autori: Gazeta inFokus 14:29 | 04 November 2024

Një prej skuadrave me histori të pasur në ngritjen e nivelit të baskbollit kosovar, ka shuar aktivitetin.

Klubi Basketbollistik Drita nuk ekziston më.

Skuadra e KB Dritës në edicionin 2004/05

Për këtë vendim të rëndë të skuadrës ku ishte kapiten, ka bërë të ditur përmes facebook-ut, Qëndrim Demi.

-Advertisement-

“Përfundon rrugëtimi i klubit të basketbollit “Drita” meshkujt . Një klub me një histori të pasur dhe një trashëgimi të ndërtuar me mund e përkushtim nga breza të tërë, sot po mbyll kapitullin e tij të rëndësishëm në fushën e sportit”, e ka nisur njoftimin e “zi” basketbollisti gjilanas.

“Drita nuk ishte vetëm një klub, ishte simbol i pasionit dhe i bashkimit të komunitetit tonë. Ishte vendi ku qindra të rinj u formuan, ku fëmijët dhe të rinjët e gjetën shpresën dhe krenarinë përmes sportit. Mirëpo, për shkak të vështirësive financiare dhe mungesës së mbështetjes së duhur, ky udhëtim ka ardhur në fund”, ka shtuar tashmë ish-kapiteni i “Intelektualëve”

Ai e mbyll postimin e tij me shpresën se një ditë klubi ikonik i Gjilanit të rilindë.