Ekonomi

Raporti i Bankës Botërore mbi papunësinë në Kosovë, reagon ministri Murati

Autori: Gazeta inFokus 18:52 | 17 Tetor 2024

Ministri i Financave, Hekuran Murati, ka reaguar pas publikimit të një raporti të Bankës Botërore që tregon se vetëm 37 për qind e popullsisë të aftë për punë në Kosovë është e punësuar. Ai ka ndarë një tabelë nga raporti, ku theksohet se papunësia në vend në fund të vitit 2023 është 10.9%.

Murati shpjegoi se shifrat që disa media po i interpretojnë lidhen me pjesëmarrjen e popullsisë aktive në tregun e punës, një tregues i ndryshëm nga ai i papunësisë.

“Kushdo që e ka lexuar së paku një libër për këtë temë, din ta bëjë dallimin në mes të shkallës së papunësisë dhe shkallës së pjesëmarrjes së popullsisë aktive në tregun e punës,” tha ai.

-Advertisement-