Lajme

Elshani: Përderisa grupi i Banjskës është në liri, ekziston rreziku për ndonjë sulm të ngjashëm

Autori: Gazeta inFokus 07:22 | 25 September 2024

Zëvendësdrejtori i Policisë për rajonin e veriut, Veton Elshani, ka deklaruar se përderisa grupi i Banjskës është në liri ekziston rreziku për ndonjë sulm të ngjashëm.

Megjithatë, Elshani, ka siguruar se në rast të përsëritjes Policia e Kosovës është e përgatitur për reagim dhe ka numër te mjaftueshëm të pjesëtarëve policorë.

“Po derisa ky grup është i lirë normalisht që ekziston rreziku që mund të ketë ndonjë sulm apo rast të tillë të ngjashëm, sidoqoftë [policia është e përgatitur të reagojë kjo është me rëndësi. Kemi numër të mjaftueshëm të pjesëtarëve dhe nëse ka nevojë i sjellim të tjerë”, ka thënë ai në Tëvë1.

-Advertisement-

Më tej Elshani, ka thënë se shpartallimi i grupeve në veri e ka lehtësuar shumë punën e Policisë pasi sipas tij tashmë askush nuk ka mundësi të fshihet nga ligji.

“Ka ndihmuar shumë, për arsye se tani çdo person që kryen ndonjë vepër penale ata e dinë që ne mund t’i ndjekim dhe ti arrestojmë dhe nuk ka mundësi askush të fshihet nga ligji”, ka shtuar ai.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme