Bordi i RTK-së gënjeu haptas se s’u përmendën dy mediumet në artikullin që i lidhë ato me Vuçiqin
Autori: Gazeta inFokus 12:48 | 24 July 2024
Radio Televizioni i Kosovës e transmetoi të hënën në edicionin qendror të lajmeve një lajm se presidenti serb Aleksandar Vuçiq po i merr në dispozicion të tij mediat e Kosovës.
Lajmi doli edhe në web-faqen e televizionit, ku u përmendën dy mediumet, Periskopi dhe Nacionale. RTK-ja citonte një artikull të “Slobodna Bosna”, duke shkruar se Periskopi është “nën kontrollin e drejtpërdrejtë të terroristit nga Banjska, Milan Radoiçiq”, dhe se së fundmi “është bërë një transaksion miliona dollarësh te Nacionale”.
Pasi RTK-ja e shpërndau këtë lajm të rremë, të njëjtin e shpërndanë me shpejtësi eksponentë të Lëvizjes Vetëvendosje.
Bordit të transmetuesit publik të vendit iu desh ta mbante një mbledhje të jashtëzakonshme të martën, pas së cilës gënjeu se “RTK në asnjë raportim nuk i ka përmendur” Periskopin dhe Nacionalen.
“Bordi shpreh keqardhje për publikimin e një artikulli ku janë apostrofuar mediat e Kosovës në mediumin boshnjak, ndonëse RTK në asnjë raportim nuk i ka përmendur ato. Kjo është theksuar nga stafi editorial gjatë takimit”, u tha në një komunikatë të lëshuar në mbrëmje.
Bordi tha se është shqetësuar për publikimin “e artikullit kontrovers në RTK”, të cilin e cilësoi si “lëshim të qartë”. U paralajmëruan formimi i një komisioni “për ta sqaruar situatën në detaje dhe për ta ndriçuar përgjegjësinë editoriale për këtë lëshim”, si dhe “masa rigoroze konform ligjit dhe akteve të brendshme të RTK-së”.
Ndonëse bordi tha se në mbledhje është shqyrtuar “me seriozitet” publikimi i këtij artikulli, duket se nuk ka qenë kështu.
Si ka mundësi që bordi tha se RTK-ja s’i ka përmendur dy mediumet? RTK-ja në fakt e ka ndryshuar tekstin më pas dhe i ka hequr emrat e Periskopit dhe Nacionales, gjë për të cilën ka “screenshots” që dëshmojnë.
Kryetari i bordit të RTK-së, Besnik Boletini ishte i paqasshëm në telefon për t’iu përgjigjur Gazetës Express për këtë çështje.
Për gënjeshtrën e bordit të RTK-së dëshmon edhe një postim i deputetit të LVV-së, Salih Zyba, ku kishte shkruar për “hulumtimin” e portalit boshnjak, duke thënë se “dy medie të Kosovës iu përmenden emra, Periskopit dhe Nacionales”. Kësaj ia bashkëngjiti edhe dy fotografi të ndara nga teksti i publikuar nga RTK-ja.
Kjo gjë mund të verifikohet lehtësisht teknikisht, por ngurrimi i bordit të RTK-së për të “theksuar” se dy mediumet nuk janë përmendur, e bën më pak të besueshëm synimin e sinqertë për “ndriçimin e përgjegjësisë editoriale” për këtë publikim.
Asociacioni i Gazetarëve të Kosovës ka alarmuar se “fushata si kjo rrezikon seriozisht sigurinë e gazetarëve të këtyre dy mediave, dhe Vetëvendosja e deputetët e saj duhet të mbahen përgjegjës për nxitjen e urrejtjes dhe sulmeve potenciale kundër tyre”.
Portali boshnjak publikoi një tjetër shkrim sot, por e zëvendësoi pretendimin për “milionat”.
“Slobodna Bosna” shkruan tash se “mediat kosovare janë nën observimin e njerëzve të Vuçiqit”. Rreshtat për “milionat”, portali boshnjak pranon se i shkroi “sipas burimeve nga Kosova”, ndonëse u thirr në “sekrete të BIA-s”.
Të tjera
-
Aliu thotë se banimi i përballueshëm shkoi edhe në Komunën e Istogut
Ministri i Infrastrukturës, Mjedisit dhe Planifikimit Hapësinor, Liburn Aliu,...
-
Ndahen mjete shtesë për ndërtimin e 11 shtëpive në veri
Ministria e Mjedisit, Planifikimit Hapësinor dhe Infrastrukturës, ka ndarë mj...
-
Për një javë 9 raste të dhụnës në familje në rajonin e Ferizajt, ndalohen dy të dyshuar
Policia në Ferizaj ka njoftuar se javën e kaluar janë raportuar 9 raste të dh...
-
Mbi 1 milion euro u shpenzuan për rinovimin e shkollës “Metush Krasniqi” në Kamenicë
Kryeministri i Kosovës, Albin Kurti ka bërë të ditur se rinovimi i shkollës “...
-
Kosova kërkon ndihmën e Hungarisë për anëtarësim në KiE
Raportet Kosovë-Hungari dhe anëtarësimi i Kosovës në Këshill të Evropës, ishi...
-
Ministrja gjermane arrin në Prishtinë, pritet nga Osmani
Presidentja Vjosa Osmani, ka pritur në takim ministren e Shtetit për Evro...
-
Konfiskohet mjaltë në aeroportin e Prishtinës
Dogana e Kosovës ka njoftuar se ka konfiskuar mjaltë në Aeroportin Ndër...
-
“Do t’i nënshtrohem një operacioni” – Bekë Berisha nga QKUK tregon për aksidentin që e pësoi
Deputeti i Aleancës për Ardhmërinë e Kosovës, Bekë Berisha ka pasur një aksid...
-
Tahiri: Efektet e para të vizitës së shefit të CIA-s, Kurti e harroi hapjen e Urës së Ibrit
Edita Tahiri, ish-shefja e ekipit negociues të Kosovës në dialog, ka përmendu...
-
Xhavit Haliti dhe Driton Hyseni marin pjesë për mbledhjen e Asamblesë Paramentare të NATO-s
Deputeti i PDK-së, Xhavit Haliti aktualisht gjendet në Varshavë. Atje, bas...
-
Stano flet për agjendën e takimit të nesër në Bruksel, temë Marrëveshja e Ohrit
Zëdhënësi i Bashkimit Evropian, Peter Stano, ka folur për takimin e nesër...
-
Osmani takon myftiun Naim Tërnava, flasin për BIK-un
Presidentja e Kosovës, Vjosa Osmani ka pritur në takim kreun e Bashkësisë...