Lajme

Sot mblidhen katër komisione parlamentare

Autori: Gazeta inFokus 07:42 | 02 July 2024

Sot është paraparë që të mblidhen katër komisione parlamentare.

Komisioni për Mjedis, Ushqim, Bujqësi, Planifikim dhe Zhvillim do të bëjë shqyrtimin e Projektligjit për rrugët, shqyrtimi në parim i Projektligjit për ndryshimin dhe plotësimin e Ligjit për automjete si dhe shqyrtimi në parim i Projektligjit për menaxhimin e resurseve ujore.

Ndërkaq,Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 do ta shqyrtojë miratimin e listës së dëshmitarëve.

-Advertisement-

Komisioni për Ekonomi, Industri, Ndërmarrësi dhe Tregti do t’i votojë raportet vjetore të Performancës së Ndërmarrjeve Publike për vitin për vitin 2022, si dhe do ta bëjë shqyrtimin e propozim-amendamenteve për Projektligjin për Mbrojtjen e konsumatorit.

Ndërkaq, në Komisionin për Mbikëqyrjen e Financave Publike do të raportojë ministrja e Arsimit, Shkencës dhe Kulturës, Arbërie Nagavci, në bënë lidhje me raportin e auditimit të performancës “Modernizimi i Sistemit të Edukimit në Kosovë përmes e-Edukimit”.