Sport

Xhaka zë vendin e dytë në botë në garën për futbollistët me më së shumti impakt këtë sezon

Autori: Gazeta inFokus 16:53 | 16 May 2024

Granit Xhaka ka zënë pozitën e dytë në listën e gjatë të futbollistëve që kanë pasur më së shumti ndikim gjatë këtij sezoni.

Postimi Javor i 464-të i Observatorit të Futbollit CIES prezanton futbollistët, paraqitjet e të cilëve kanë pasur ndikimin më të madh gjatë sezonit 2023/24 në 54 liga në mbarë botën.

Rezultati i ndikimit u llogarit duke marrë parasysh paraqitjet e lojtarëve në gjashtë fusha të lojës, minutat e ligës vendase dhe rezultatet.

-Advertisement-

Vlera më e lartë për çdo pozicion është shënuar për mesfushorin spanjoll të Manchester City, Rodri.

Mesfushori Granit Xhaka zë vendin e dytë. Ai ishte kyç në sezonin historik të Bayer Leverkusen, që e fituan titullin e kampionit për herë të parë në histori dhe janë në finale të Ligës së Evropës dhe Kupën e Gjermanisë.

Për pozicionet e tjera, rezultatet më të larta të impaktit ishin për portugezin Rúben Dias në mesin e qendërmbrojtësve, shokun e tij të skuadrës Kyle Walker midis mbrojtësve të krahut, gjermanin Florian Wirtz midis mesfushorëve sulmues, Bukayo Saka të Anglisë midis anësorëve, si dhe Lautaro Martínez të Argjentinës midis qendërsulmuesve.