Sport

Arteta: Çfarë energjie e jashtëzakonshme, kemi super tifozë

Autori: Gazeta inFokus 10:00 | 13 March 2024

Arsenali iu fal penalltive për të siguruar kualifikimin në çerekfinalet e Champions League. Gunners fituan 1-0 kundër Portos dhe sfida shkoi në shtesë, pasi “Dragonjtë e Oportos” kishin fituar me të njëjtin rezultat në shtëpi.

Festë e madhe te nënkampionët e Anglisë, të cilët po garojnë në dy fronte: Champions+Premier. Trajneri Mikel Arteta u shfaq më i lumtur se kurrë në prononcimin pas ndeshjes.

“Kanë kaluar 14 vite nga hera e fundit që jemi kualifikuar në çerekfinale, një kohë e gjatë për një klub si Arsenali. Ne krijuam një energji të pabesueshme në stadium. Ia dolëm të gjithë së bashku.

-Advertisement-

Penalltitë pastaj dihet, janë lotari. Ishim përgatitur një ditë më parë për goditjet e penalltive. Trajnerët e portierëve kanë merita, si të gjithë të tjerët.

Duhet ta pranoj se është e vështirë të përballesh me Porton, një skuadër konkurruese, e mirë dhe e fortë. Patëm shumë momente gjatë ndeshjes ku nuk mundëm të kontrollonim lojën, kjo edhe për meritë të tyre.

Shënuam në një moment të rëndësishëm, u përpoqëm të krijonim rastet tona dhe në fund ia dolëm të kualifikoheshim. I dashurojmë tifozët tanë dhe energjinë që na transmetojnë.

Ndihem mirë që u kualifikuam, pasi donim të mbërrinim në çerekfinale. Më pëlqeu fakti që e ruajtëm qetësinë, u treguam të duruar dhe të guximshëm në të njëjtën kohë”, u shpreh trajneri spanjoll i Arsenalit.