Rozë

Georgina Rodriguez me fat, fiton shumën e majme në gjyq, kundër medias

Autori: Gazeta inFokus 09:50 | 14 February 2024

Sado e kundërt të duket, influencuesja, e mësuar ta tregojë jetën e saj ashtu siç është, nuk dëshiron që të dalin në dritë çështje që ajo i konsideron nga e kaluara e saj, apo personazhe që i konsideron anonime, siç është rasti i të atit.

Kjo është arsyeja pse ajo ka luftuar kundër të gjitha mosmarrëveshjeve për të ruajtur privatësinë e së kaluarës dhe të familjes.

Dhe gjykatat kanë vendosur në favor të saj.

-Advertisement-

Konkretisht, Gjykata e Shkallës së Parë Nr. 3 e Pozuelo de Alarcon, e cila i ka dhënë arsye Georgina dhe motrës së saj Ivana Rodriguez, duke dënuar kështu disa programe televizive që t’i paguajnë 70 mijë euro për ndërhyrjen në privatësi.

Gjyqtarja shprehet në dënimin e saj se fama, transcendenca dhe popullariteti që Georgina ka sot nuk ka të bëjë fare me atë që kishte në të kaluarën, përpara se të takohej me Cristiano Ronaldon.

“Në atë kohë ajo sapo kishte filluar të njihej për lidhjen e saj romantike me futbollistin dhe në asnjë rast nuk e shijoi famën dhe projeksionin publik që ka për momentin”, shprehet gjyqtarja.
Ajo gjithashtu konsideron se në reality shou-n ‘Unë jam Georgina’ të transmetuar në Netflix, “ajo mezi flet për të kaluarën”, ndaj nuk do t’u jepte asnjë legjitimitet mediave që kanë folur për fëmijërinë e saj apo kanë publikuar imazhe si e mitur.

“Në dokumentarin e transmetuar në vitin 2022, nuk u bë asnjë referencë, as nuk u dha asnjë informacion për jetën familjare të Georginas, në lidhje me prindërit apo anëtarët e tjerë të familjes, të fëmijërisë dhe adoleshencës së saj”.

Subscribe në YouTube: GAZETA INFOKUSI