Lajme

Nis puna për ndërtimin e qendrës së kulturës në Gjilan

Autori: Gazeta inFokus 16:27 | 16 January 2024

Kryetari i Komunës së Gjilanit, Alban Hyseni, ka vënë sot gurthemelin e qendrës kulturore Kult Qendra në Gjilan, e cila kap vlerën e investimit afro 1.2 milion euro.

“Ky objekt i Kult Qendrës që e filluam sot ka qenë mungesë e kahershme e atyre që merren me sferën e kulturës, për artistët e artdashësit. Është projekt tejet me rëndësi për jetën kulturore në Gjilan sepse e kemi vetëm sallën e teatrit si mundësi të vetme për zhvillimin e aktiviteteve kulturore”, ka thënë kryetari Hyseni.

Ai ka bërë të ditur se brenda vitit do të përfundojë objekti, për të vazhduar më pas me inventarizimin.

-Advertisement-

“Në objektin që do ta ndërtojmë tash në vlerë prej 1.2 milionë euro, përveç hapësirës alternative për teatrin e qytetit me rreth 180 ulëse e me hapësira të veçanta për persona me nevoja të veçanta, është menduar që të krijohet edhe kinemaja e qytetit, ndërkohë që galeria e qytetit do të zhvendoset këtu në një hapësirë prej 400 metra katrorë”, ka shtuar kreu i Gjilanit.

Drejtori i Kulturës, Rinisë dhe Sportit, Kushtrim Zeqiri, e ka falënderuar kryetarin Hyseni për përkrahjen e madhe për këtë projekt, i cili po bëhet në bashkëfinancim me Ministrinë e Zhvillimit Rajonal dhe Ministrinë e Kulturës, Rinisë dhe Sportit.

Ndryshe, projekti vizual i Kult Qendrës është publikuar për qytetarët nga kryetari i Gjilanit, Alban Hyseni, para dhjetë ditësh.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy