Lifestyle

Rrjetet sociale, si droga! Probleme me ankthin, depresion dhe obezitetin/ Kush janë tri hapat që shërojnë varësinë

Autori: Gazeta inFokus 09:54 | 25 Dhjetor 2023

Pandemia i shtyu njerëzit edhe më shumë drejt rrjeteve sociale.

Por qëndrimi për një kohë të gjatë ka krijuar një varësi të mirëfilltë, njësoj si varësia nga droga apo nga alkooli. Fillon më një fjali të thjeshtë “Ja sa të hedh një sy” dhe e gjen veten të përhumbur për orë e orë të tëra në rrjetet sociale.

Adelina Pjetra, psikologe klinike thotë: “Varësia nga rrjetet sociale është një problem global, nga vetë simptomat që shfaq kjo lloj varësie, të cilat janë të ngjashme me varësinë nga droga, alkooli, bixhozi. Simptomat janë depresioni, ankthi, rritja e agresivitetit, ide suicidale (vetëvrasje) dhe tërheqje nga jeta shoqërore dhe familjare. Vetë rrjetet sociale kanë efekt në tru, pasi çlirohet dopaminë, hormoni i kënaqësisë, sa herë që bëjnë “scroll”, “share”, “like”.

-Advertisement-

Qëndrimi në rrjetet sociale për më shumë se 3 orë përbën varësi.

Varësia shërohet në tre hapa.

– Hapi i parë është “Digital Detox”, vetëpastrimi nga dighitalizimi, reduktimi i kohës së qëndrimit në rrjetet sociale, sa orë do t’i përdor dhe për çfarë qëllimi do t’i përdor.

– Hapi i dytë është rikthimi i marrëdhënieve ose situatave jetësore, të neglizhuara nga varësia nga rrjetet sociale, si p.sh. mbledhjet familjare, shoqërimi me individë, miq e shokë të dashur, shëtitjet në natyrë, leximi i një libri, vullnetarizmi si në shkollë, si në komunitet. Sporti, patjetër, të rinjtë duhet t’i kthen sportit, që të shkarkojnë aty stresin dhe të marrin dopaminën.

– Hapi i tretë është kërkimi i ndihmës nga një specialist. Në shumë raste unë vërej që duhet edhe mjeku psikiatër. Pasi kur tërhiqesh nga rrjetet sociale simptomat janë ato të një individi që fillon të lërë drogën.”