Lajme

Në Budva hiqet mbishkrimi “Kur ushtria të kthehet në Kosovë”

Autori: Gazeta inFokus 16:27 | 16 December 2023

Transparenti i madh, trengjyrëshi i flamurit serb me tekstin “Kur ushtria të kthehet në Kosovë”, është hequr nga pjesa në hyrje të qytetit malazez, Budva.

Siç raporton media e këtij vendi “Vijesti”, ky mbishkrim është hequr mbrëmë, gjë të cilën e kanë konfirmuar edhe policia komunale.

Ky medium raporton se mbishkrimi në atë mur ka qenë një transparent, e jo grafit. Prandaj, policia ka thënë se është njoftuar inspektorati komunal që ta largojë atë.

-Advertisement-

Dy ditë më parë u raportua vendosja e këtij mbishkrimi, teksa analisti malazez Lubomir Filipoviq, pati kritika për autoritetet që lejojnë mesazhe të tilla dhe të ngjashme në vend.

Subscribe në YouTube: GAZETA INFOKUSI