Lajme

Deputetja e VV-së i përgjigjet Selmanajt për sanksionet, thotë se Kurti në Estoni do të takojë dikë nga DASH

Autori: Gazeta inFokus 18:28 | 06 September 2023

Deputetja e Lëvizjes Vetëvendosje, Arbëreshë Kryeziu Hyseni, i ka reaguar deputetit të LDK-së, Driton Selmanaj, pasi ky i fundit po ia numëron ditët që Qeveria e Kosovës po i kalon nën sanksione.

Kryeziu-Hyseni në reagim ka treguar se ndodhet bashkë me Selmanajn në Estonin në një forum për transparencë në Kuvend. Ajo ka thënë e atje është edhe kryeministri Kurti, që sipas saj u duartrokit pas një fjalimi që ka pasur atje.

Ajo ka përmendur edhe takime me kryeministren e Estonisë Kaja Kallas ndërkohë që ka përmendur se Kurti do të ketë takim edhe me Departamentin e Shtetit Amerikan, pa e specifikuar se me kënd.

-Advertisement-

“Super sanksione koleg”, ka shkruar ajo me ironi.

“Jam në Estoni bashkë me Driton Selmanajn, si përfaqësues të Forumit për Transparencë në Kuvend.Këtu është edhe Kryeministri Kurti i cili pas fjalimit të tij që pati duartrokitje të gjata, takoi Kryeministren e Estonisë, Kaja Kallas, Presidentin e OGP, Sanjay Pradhan, pas drekës së shtruar nga Ministri i Punëve të Jashtme, Margus Tsahkna, do të ketë takim edhe me Departamentin e Shtetit Amerikan.Super sanksione koleg!”, ka shkruar deputetja e VV-së.

Subscribe në YouTube: GAZETA INFOKUSI