Lajme

Mot me përmbytje, probleme në zonat turistike të Spanjës

Autori: Gazeta inFokus 13:11 | 28 August 2023

Erërat e forta dhe shirat e rrëmbyeshëm përfshinë të dielën Spanjën duke shkaktuar përmbytje të mëdha në disa zona.

Situata më kritike ishte në ishullin e Majorkës.

Për shkak të motit të keq, shumë banesa u përmbytën pasi niveli I ujit në rrugë shkoi në disa centimetra. Ndërkohë erërat e forta rrëzuan dhe shumë pemë. Stuhia goditi edhe Barcelonën e Valencian si dhe disa zona të tjera të gadishullit Iberik duke kapur të papërgatitur shumë njerëz. Sipas mediave spanjolle, në Vilassar de Mar, zjarrfikësit shpëtuan një person, pasi automjeti I tij u tërhoq zvarrë nga uji dhe u bllokua nën një urë.

-Advertisement-

Me motin e keq u përball dhe veriu I Italisë. Sipas meteorologëve, Europa do të përballet tashmë ne Ciklonin Poppea, i cili do të “fshijë” ditët e nxehta të verës.

Subscribe në YouTube: GAZETA INFOKUSI