Lajme

I Përditësuar: Merret vendimi për militantin e LVV-së që dyshohet se kërcënoi Besnik Berishën

Autori: Gazeta inFokus 17:22 | 19 August 2023

LAJM I PËRDITËSUAR 

Gjykata Themelore në Prishtinë ka marrë vendimin në lidhje me dyshimet se militanti i Lëvizjes Vetëvendosje, Abdullah Mjeku kishte kërcënuar avokatin, Besnik Berisha.

Të dyshuarit sipas informacioneve të fundit i është caktuar masa e dorëzanisë dhe i njëjti  më pas është liruar.

-Advertisement-

Kanosja nuk ka të bëjë me profesionin e avokatit por si rezultat i paraqitjeve publike të avokatit Berisha përkatësisht kritikës së tij ndaj pushtetit.

Militanti siç mëson Insajderi e kishte kërcënuar avokatin derisa ishte duke ecur në këmbë. I dyshuari nga makina e kishte kanosur me fjalë dhe gjeste Berishën.

“Për korrektësi, kërcënimi nuk lidhet asgjë me punën time si avokat e as si pronar i mediumit, por lidhet me fjalën e lirë dhe mendimet e shprehura publikisht kundër pushtetit dhe kjo u bë sebep që ky militant të më kanos sëriozisht. Pavarësisht kësaj dhe kërcënimeve si ky, unë asnjëherë nuk do të ndryshoj bindje e as qëndrimet ndaj të keqes dhe padrejtësisë”, tha Berisha dje për Sinjalin.

Sqarim:

Nga të dhënat e fundit dhe të verifikuara pas raportit të Kryptometrit thuhet se Gjykata nuk ia ka caktuar masën prej  30 ditë paraburgim Abdullah Mjekut, i cili dyshohet se e ka kërcënuar avokatin Besnik Berisha.

Po ashtu avokati mbrojtës i Mjekut, Rexhep Podvorica, ka thënë se ndaj Mjekut është shqiptuar masa e dorëzanisë dhe i njëjti është liruar.

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!
-Advertisement-

Të tjera

Fokusi

lajme