KMDLNJ: Gjykata vendosë për Klan Kosovën, ajo vazhdon punën
Autori: Gazeta inFokus 12:03 | 31 July 2023
Këshilli për Mbrojtjen e të Drejtave të Lirive të Njeriut, ka thënë se Gjykata kompetente duhet ta thotë fjalën e fundit në lidhje me rastin e Klan Kosovës.
Ata me anë të një komunikate të lëshuar, kanë potencuar se reagimet e komunitetit gazetar është krejtësisht i arsyeshëm.
KMDLNj ka thënë se është kundër çdo situate kur pushteti mbyllë mediat përveç rasteve kur gjykata e merr një vendim të formës së prerë.
“Kohëve të fundit rreth Klan Kosovës është bërë një presion i madh deri në kohën kur ARBK–ë i hoqi licencën e punës e që fjalën e fundit do ta thotë Gjykata kompetente”.
Reagimi i opinionit është ndarë në dysh si asnjëherë më parë; komuniteti i gazetarëve, opozita dhe shoqëria civile sikur edhe ndërkombëtarët, në emër të lirisë së shprehjes dhe lirisë së mediave, si vlera demokratike dhe të drejta të njeriut janë në mbështetje të Klan Kosovës kurse pozita, në emër të zbatimit të ligjit dhe parregullsive gjatë regjistrimit si dhe veprimtarisë, është 100 përqind në anën e MINT që ka qenë nismëtar dhe finalizues i heqjes së licencës së punës përmes ARBK-së”, thuhet në reagim.
“Opinioni kosovar dhe ai që ka mungesë të mjaftueshme të informatave rreth këtij rasti, ka mbetur në udhëkryq duke mos e pasur situatën e qartë për këtë. Reagimi i komunitetit gazetar është krejtësisht i arsyeshëm; e bënë për ta mbrojtur veten dhe punën e tyre kurse reagimi i opozitës gjithashtu është i kuptueshëm për faktin se paraqet rast të mirë për ta luftuar pozitën”.
“Reagimi i ndërkombëtarëve është reagim tipik oportunist dhe në linjë me inetereset politike që i kanë. Pozita nuk ka si të reagojë ndryshe, në të kundërtën, ministren Hajdari duhet ta dërgojë në shtëpi dhe të gjithë ata që janë në përkrahje të saj. KMDLNj –ë është kundër çdo situate kur pushteti mbyllë mediat përveç rasteve kur gjykata e merr një vendim të formës së prerë. Edhe në rastin konkret, KMDLNj –ë vlerëson se është dashur të pritet një vendim i gjykatës përkatëse, para se politika t’i vendosë dryrin Klan Kosovës sot e nesër apo më vonë ndonjë mediumi tjetër”.
“Rasti i Klan Kosovës duhet të hetohet nga Policia aq më parë që ka pasur nguti dhe tejkalim të procedurave brenda MINT-it që përfundimi të jetë ashtu si është. Për rastin e Klan Kosovës kanë pësuar edhe të punësuar brenda MINT –it dhe çështja është më e ngatërruar sa që duket në shikim të parë. Këtu nuk mund të jenë dy të vërteta; nëse Klan Kosova ka vepruar në kundërshtim me ligjin atëherë duhet t’i bindet ligjit dhe, në anën tjetër nëse MINT ka shkelur ligjin në përpjekje për të disiplinuar mediet atëherë shkelësit duhet t’i nënshtrohen përgjegjësisë ligjore. Për KMDLNj –në është shumë shqetësues linçimi publik që i bëhet disa gazetarëve dhe analistëve duke i cilësuar si argatë të Serbisë, antikombëtarë, të shitur apo edhe legenë ndërsa Policia e Kosovës, ndonëse këto akuza linçuese janë publike, nuk e ndërmerrë asnjë veprim, qoftë edhe për parandalim për t’u marrë pastaj me pasojat”.
“KMDLNj –ë është i sigurt se Klan Kosova nuk do të mbyllet dhe se këtë çështje e kanë të qartë të gjitha palët “ndërluftuese“ por tërë këtë e bëjnë si luftë për zhvendosje të vëmendjes apo përforcim të pozicioneve që i kanë”.
“Të akuzoni dikend se është spiun i Serbisë, tradhëtar, se merr para nga Serbia dhe Rusia, pa ofruar asnjë provë është e papranueshme dhe e pafalshme, si në aspektin moral, profesional dhe ligjor. Prandaj, KMDLNj –ë insiton që hetimet të shkojnë deri në fund pas së cilave do të caktohej përgjegjësia konkrete, në përputhje me provat. Të bësh thirrje publike për mbyllje të mediave, pa asnjë vendim gjyqësor është hapje e derës që shpie në një autokraci dhe dhunim të lirisë së fjalës. Për KMDLNj kjo është e papranueshme dhe e dënueshme!”.
Të tjera
-
Gjeorgji, shoqëria civile bashkohet për të vëzhguar zgjedhjet, sfidon ligjin për ‘agjentët e huaj’
Ndërsa Republika e Gjeorgjisë përgatitet për të mbajtur zgjedhjet më 26 tetor...
-
Dyshohen për dhjetë vjedhje të rënda – Policia arreston dy persona, kërkon dy të tjerë
Siguria publike në Kosovë konsiderohet se po cenohet nga krime të natyrave të...
-
Kremlini njofton për telefonatën Putin-Vuçiq: U përmend edhe lufta në Ukrainë
Pasi presidenti serb Aleksandar Vuçiq raportoi sot për një telefonatë me pres...
-
Berisha për aksionet në Veri: Kurtit e Vuçiqit i duhen këto aksione për ti mbuluar dështimet e tyre
Deputeti i PDK-së, Hisen Berisha, për FrontOnline, thotë se Qeveria Kurti për...
-
Ursula von der Leyen javën e ardhshme në rajon, takime me Osmanin e Kurtin në Kosovë
Javën e ardhshme, Presidentja e Komisionit Europian, Ursula von der Leyen do ...
-
“Jam e lumtur se po vdes për Kosovën”-Historia e dëshmores, Luljeta Shala e cila la gjithçka dhe ra heroikisht për lirinë e Kosovës
Ekipa e Infokusit ka realizuar film-dokumentarin për jetën e dëshmores Luljet...
-
Presidentja e Komisionit Europian Von der Leyen tur në vendet e Ballkanit, e nis të mërkurën nga Shqipëria
Presidentja e Komisionit Europian Ursula von der Leyen, do të nisë një tur në...
-
Shukri Buja ftesë të detyrueshme nga Specialja, udhëton në Hagë
Ish-komandanti i UÇK-së në Zonën e Nerodimes, Shukri Buja, ka udhëtuar në Hag...
-
Pacolli viziton Thaçin në Hagë: Presidenti ishte në gjendje të mirë!
Kryetari i AKR-së, Behgjet Pacolli ka zhvilluar vizitë në Dhomat e Specializu...
-
Haradinaj në New York, merr titullin anëtar nderi i përjetshëm i Federatës ‘VATRA’
Kryetari i AAK’së, Ramush Haradinaj, u nderua me titullin “Anëtar Nderi” i pë...
-
Nesër mbahet testimi për ushtarët e rinj të Kosovës, detajet që duhet të kihen parasysh
Nga nesër do të nisë testimi për kandidatët të cilët kanë aplikuar për ushtar...
-
Bajrami, Muratit: Manipulanti jeni ju, 440 mijë gra e 237 mijë burra janë jashtë tregut të punës
Deputetja e Lidhjes Demokratike të Kosovës, Hykmete Bajrami i reagoi Minsistr...