Lajme

Vlora Çitaku konfirmon se nesër do të dalë në protestë

Autori: Gazeta inFokus 22:48 | 14 July 2023

Nënkryetarja e Partisë Demokratike të Kosovës, Vlora Çitaku ka dalë në përkrahje të protestës së nesërme që do të mbahet në ora 18:00 në sheshet e Prishtinës.

Përmes një postimi në Facebook, ajo ka thënë se do të dalë në protestë dhe ka numëruar disa arsye për këtë.

“Nesër do të dal në protestë. Për gjithë ato gra e burra që patën guxim ta mundin frikën dhe vdekjen. Për dajën tim të vrarë me pushkë në dorë. Për ushtarët e gjallë, por fatkeqësisht të fyer e të nëpërkembur.”, ka thënë Çitaku.

-Advertisement-

Përpos saj, nga PDK thirrje për protestë ka bërë edhe deputeti Mërgim Lushtaku. Në anën tjetër, Aleanca për Ardhmërinë e Kosovës, Aleanca Kosova e Re dhe Partia Socialdemokrate kanë konfirmuar pjesëmarrjen në protestë.

Subscribe në YouTube: GAZETA INFOKUSI