Lajme

Lajçak takohet me Vuçiqin, bisedojnë për tensionet në veri të Kosovës

Autori: Gazeta inFokus 12:19 | 05 July 2023

Emisari i BE-së për dialogun, Miroslav Lajçak, pas Kosovës sot ka shkruar për vizitë edhe në Serbi.

Gjatë ditës ai u takua me presidentin serb, Aleksandar Vuçiq, me të cilin kanë biseduar për zhvillimet e fundit në veri të Kosovës.

Vuçiq, me anë të një postimi në Instagram, ka deklaruar se ata biseduan për metodat e uljes së tensioneve dhe zbatimin e marrëveshjeve të arritura deri më tani në procesin e dialogut.

-Advertisement-

“Edhe një herë paralajmërova se populli serb në Kosovë është i ekspozuar ndaj torturave dhe persekutimeve më të rënda në 15 vjetët e fundit dhe ripërsërita kërkesat për respektimin e të drejtave dhe sigurisë së tyre”.

“I kam bërë thirrje komunitetit ndërkombëtar që të angazhohet më konkretisht në të gjitha këto çështje”, ka shkruar Vuçiq në profilin e tij lidhur me takimin me Lajçak, njofton Klankosova.tv.