Jam e tmerruar!

Sa selektiv e të padrejtë jemi si shoqëri kur dhunohet një e mitur, kur dhunohet një vajzë, kur dhunohet një grua!

Vitin që lamë pas u dhunua një 11 vjeçare dhe u mbushën sheshet e Prishtinës me protestues, u fol e u organizuan debate me javë të tëra. Reagime masive! Një shembull i mirë e formë e duhur e reagimit në raste të tilla, që nëse jo drejtpërdrejtë ndikon tërthorazi që organet e drejtësisë me i’u përvish punës që përgjegjësit me qenë sa ma shpejtë mbrapa grilave.

-Advertisement-

Dje u dhunua sërish një e mitur nga disa persona, dhe u konfirmua se ka mbetur edhe shtatzënë por vëmendja mediatike dhe reagimet e qytetarëve, munguan! Munguan ose ishin të atij lloji te dhunuesit “potencial”, reagime këto që në të dy rastet janë prezente!

Selektimi i rasteve në këtë formë na tregon se keqardhja jonë është e shtirur e na vjen në pah vetëm atëherë kur e shohim se po reagojnë të gjithë!

Në dy javët e fundit afro 10 raste të dhunimit të grave. Pothuajse çdo jave ka raste te dhunimit të grave ne Kosovë, që në kushte normale, kjo duhej të alarmonte këtë shoqëri e të mobilizohej në atë se çfarë duhet të bëhet që një dukuri e tillë të zhduket e rastet të mos rriten, gjithmonë nëse, nëse protestat e vëmendja nuk po kryejnë pune.

Përsëri heshtje!

Është për të t ‘ardhur keq edhe sa shpejt bëhen gati normale, dukuritë e tmerrshme tek ne.

Tash as ne gazetarëve prokuroria nuk na jep detajet që i kërkojmë për këto raste duke na hequr qafe me përgjigjen “kanë nisur hetimet”.

Shumë mirë! Në rregull por çfarë dihet deri tash, a janë arrestuar ata persona, çka jeni duke punuar, pse këto hetime duhet me u mbajt “sekret”, nëse e pengojnë procesin ne e kuptojmë plotësisht por “kanë nisur hetimet”, është shumë dobët. Ose të paktën unë po përballem me këso lloj përgjigje të kota në këto rastet e fundit se nëse “zoti mos e bëftë” të dihet mosha e viktimës, emri ose inicialet e dhunuesve, “ tani po bëhet e madhe”.
Ku janë institucionet e shtetit, ku është policia, ku është Inspektorati i Policisë? Kush e monitoron trajtimin e këtyre rasteve ose a e monitoron dikush?

Ku qëndron problemi që rastet po shtohen çdo ditë, a duhen me u rrit masat e mbrojtjes për gratë, a duhet të lejohet mbajtja e përdorimi i sprejit ? A duhet që këta persona me marr dënime më të mëdha e mos me u liru prej paraburgimit e burgut menjëherë? A duhet të dyshuarit me u liru në procedura të rregullta?

Nejse… S’ka lidhje, le të vazhdojmë me u marr me Megi Pojanin!

Shkruan: Hateme Smajli

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-