Shtyhet gjykimi ndaj gjinekologut të akuzuar për trajtim të pandërgjegjshëm mjekësor
Autori: Gazeta inFokus 14:20 | 04 April 2023
Në mungesë të ekspertëve Syheda Latifi-Hoxha, Ahmet Panxhaj dhe Albert Lila, ka dështuar të mbahet rigjykimi ndaj gjinekologut Hajriz Dërguti, i cili po akuzohet për trajtim të pandërgjegjshëm mjekësor.
Dërguti po akuzohet nga Prokuroria se më 2008 kishte përdorur metodë të papërshtatshme të mjekimit, duke i shkaktuar lëndime të rënda të miturit T.G, i cili që nga lindja ka mbetur në karrocë invalidësh.
Lidhur me mungesën e ekspertëve, gjykatësja Sulltane Hoti, tha se gjykata i ka kontaktuar të njëjtit, por që deri më tani nuk ka pranuar asnjë njoftim.
Ndërkaq, prokurori Paulin Pashku, i akuzuari Hajriz Dërguti me mbrojtësin e tij, avokatin Ramë Gashi dhe i dëmtuari Naim Gogori, me avokatin Hamdi Podovorica, kanë qëndruar pranë propozimit për t’i dëgjuar ekspertët.
Në këto rrethana, seanca e sotme është shtyrë në kohë të pacaktuar, kurse për seancën e radhës gjykatësja Hoti tha se palët do të njoftohen me ftesa të rregullta.
Ndryshe, Gjykata Themelore në Prishtinë, më 17 prill 2019, e kishte shpallur fajtor Hajriz Dërgutin duke i shqiptuar dënim me burgim me kusht prej 1 viti, për veprën penale “Trajtim i pandërgjegjshëm mjekësor”, pasi që sipas aktakuzës, i njëjti kishte përdorur metoda të papërshtatshme mjekësore gjatë lindjes së të dëmtuarit T.G.
Sipas aktgjykimit të shpallur, me rastin e matjes së dënimit, gjykata ka marrë për bazë rrethanat rënduese dhe lehtësuese, ku si rrethanë rënduese ka gjetur se i mitur T.G. ka mbetur me pasoja të përhershme që nga lindja.
Mirëpo, pas ankesave të palëve në procedurë, ky aktgjykim ishte anuluar nga Gjykata e Apelit më 6 shkurt 2020, me vendimin që kjo çështje të kthehet në rigjykim dhe rivendosje.
Gjykata e Apelit kishte gjetur se aktgjykimi i shkallës së parë përmban shkelje esenciale të dispozitave të procedurës penale, ku një nga sugjerimet e Apelit kishte qenë që të zhvillohet një ekspertizë mjeko-ligjore për rastin në fjalë.
Sipas aktakuzës, së ngritur më 31 gusht 2016, në QKUK, në Klinikën Obstetrike-Gjinekologjike në Prishtinë, më 13 korrik 2008, specialisti i gjinekologjisë, i akuzuari Hajriz Dërguti kishte përdorur metodë të papërshtatshme të mjekimit dhe gjatë lindjes së të dëmtuarit T.G, i kishte shkaktuar lëndime të rënda në regjionin e kokës dukë ia dëmtuar rëndë shëndetin.
Në aktakuzë thuhet se këto dëmtime më vonë ishin konstatuar gjatë kontrollimeve mjekësore, sepse me rastin e lëshimit të fëmijës nga klinika dëmtimet nuk ishin shënuar në fletëlëshim.
Prokuroria të akuzuarin Dërguti e ngarkon me veprën penale “Trajtimi i pandërgjegjshëm mjekësor”, sipas nenit 219 paragrafit 4, lidhur me paragrafin 1, të Kodit të Përkohshëm Penal të Kosovës. /BetimipërDrejtësi
Të tjera
-
Rohde: Gjermania do t’i katërfishojë forcat e saj në Kosovë
Ambasadori i Gjermanisë në Kosovë, Jorn Rohde ka thënë se shteti i tij do t’i...
-
Kurti u kërkon takim partive parlamentare
Kryeministri i Kosovës, Albin Kurti i ka ftuar kryetarët e partive parlamenta...
-
Abdixhiku në Suharekë: LDK-ja ka program që u përgjigjet çështjeve të dekadës e rindërton aleancat
Kryetari i LDK-së, Lumir Abdixhiku, ka vizituar qytetin e Suharekës dhe fshat...
-
Suspendohet kryetari i Sindikatës së Policisë së Kosovës, incizoi tinëz kolegët
Kryetari i Sindikatës së Policisë së Kosovës, toger Imer Zeqiri është suspend...
-
Një muaj paraburgim për anëtarin e grupit famëkeq “Albkings” që shpërndau numrat telefonikë
Gjykata Themelore në Prishtinë caktuar masën e paraburgimit kundër të pandehu...
-
Kurti, Vuçiq, Rama, O’Brien mblidhen në Mal të Zi në Samitin Rajonal të liderëve, kjo është agjenda
Samiti Rajonal i liderëve do të mbahet në Kotor të Malit të Zi më 15 dhe 16 m...
-
Haradinaj: Nëse Kosova s’anëtarësohet në KiE është përgjegjësi e Osmanit, Kurtit e Konjufcës
Kryetari i AAK-së, Ramush Haradinaj, ka thënë se nëse humbet momentumi i pran...
-
Haziri: Ballafaqimi i Kurtit për anëtarësimin në KiE është humbje për Kosovën
Nënkryetari i Lidhjes Demokratike të Kosovës, Lutfi Haziri, ka thënë se balla...
-
Zgjedhjet në Maqedoni: Afati për ankesa në KSHZ përfundon pak para mesnatës
Afati për dorëzimin e ankesave në Komisionin Shtetëror Zgjedhor në Maqedoni t...
-
Dërgohen në Finlandë mostrat biologjike të terror*istëve të Banjskës
Ministria e Drejtësisë në bashkëpunim me Prokurorinë Speciale i kanë dërguar ...
-
Sveçla: Vetëm sot 29 qytetarë i kanë konvertuar patentë shoferët ilegal në RKS
Ministri i Punëve të Brendshme, Xhelal Sveçla ka njoftuar se në ditën e parë,...
-
Tetë vite burgim për serbët që kultivuan kanabis në laboratorë në veri, një tjetër akoma në arrati
Ivan Slaviq dhe Redenko Keseroviq janë dënuar me gjithsej tetë vite burgim, p...