Lajme

Policia arreston një person, e zë në flagrancë duke kontrabanduar dy lopë e një viç

Autori: Gazeta inFokus 21:47 | 27 January 2023

Policia e Kosovës, ka arrestuar një person, pasi i njëjti është zënë në flagrancë duke bërë kontrabandim të tre gjedhëve, dy lopë e një viç, shkruan Gazeta Infokus.

Sipas njoftimit të policisë, Gjedhët dyshohet se janë futur përmes rrugëve ilegale malore nga territori Maqedonisë së Veriut në territorin e RKS-së, dhe ishin pa matrikula dhe dokumentacion përkatës.

“Me datë 27.01.2023 rreth orës 14:00 Policia e Kosovës në vazhdën e aktiviteteve për parandalim dhe luftim të dukurive të kundërligjshme dhe kontrabandës në pika kufitare, ka bërë intensifikimin e aktiviteteve taktike dhe operacionale në terren, ku si rezultat nga DRPK-Lindje i dyshuari mashkull kosovar me iniciale Xh. C, është zënë në flagrancë duke bërë kontrabandim të tre gjedhëve (dy lopë dhe një viç)”, thuhet në njoftim.

-Advertisement-

Ndërkaq lidhur me rastin policia njofton se janë marrë të jitha veprimet e nevojshme për trajtim të mëtutjeshëm.

“Lidhur me rastin janë ndërmarrë të gjitha veprimet e nevojshme për trajtim të mëtutjeshëm sipas procedurave, me ç’rast janë njoftuar inspektorët e AUV-it si dhe prokurori kompetent me udhëzim të së cilit personi i dyshuar është liruar në procedurë të rregullt, ndërsa kafshët e konfiskuara i dorëzohen Doganës së Kosovës”, thuhet tutje në njoftimin e policisë./Gazeta Infokus/

Subscribe në YouTube: GAZETA INFOKUSI