Prioritetet e Rashiq dhe Trajkoviq në punën e tyre me komunitetin serb në Kosovë
Autori: Gazeta inFokus 11:55 | 04 January 2023
Rada Trajkoviq, politikanja serbe në Kosovë, njëherit këshilltarja e Ministrit për Kthim dhe Komunitete, Nenad Rashiq, thotë ngjarjet e fundit kanë vërtetuar se shqetësimi kryesor i qytetarëve serbë në Kosovë mbetet mbrojtja dhe siguria.
Në një prononcim për Gazetën Online Reporteri.net, Trajkoviq thotë se kur këto dy elemente të sigurohen, vetëm atëherë do të kishte një të ardhme të qëndrueshme për komunitetin serb në Kosovë.
“Situata në Kosovë mbetet e tillë që shqetësimi kryesor i qytetarëve mbetet mbrojtja dhe siguria. Ngjarjet e fundit, fatkeqësisht, e kanë vërtetuar këtë. Prandaj, së pari duhet të sigurohemi që kjo kërkesë shumë themelore për jetë paqësore të sigurohet për të gjithë në Kosovë. Vetëm atëherë do të mund t’i kushtonim me besim burimet tona të plota për ndërtimin e një të ardhmeje më të mirë dhe të qëndrueshme për komunitetin serb në Kosovë”, tha fillimisht Trajkoviq.
Por, cilat do të ishin prioritetet qe do të trajtoheshin me komunitetin serb, duke qenë se Lista Serbe tani është larguar nga institucionet?
Politikanja serbe thotë se prioritet tani është kthimi i serbëve në veri në institucionet e Kosovës dhe mos bindja e diktatave të dëmshme të Listës Serbe.
Sipas Trajkoviq, “serbët e Kosovës e dinë mirë mashtrimin që Lista Serbe po përpiqet të bëjë”, e siç thotë ajo qytetarët nuk mashtrohen lehtë, por që kanë nevojë për inkurajim.
“Prioriteti i menjëhershëm për ne është kthimi i serbëve në veri në institucionet e Kosovës dhe dhënia e guximit dhe nxitjes për të mos iu bindur diktateve të dëmshme të Listës Serbe. Tashmë kemi regjistruar interesim nga shumë qytetarë në veri për të ndërmarrë këtë hap të guximshëm. Serbët e Kosovës e dinë mirë mashtrimin që Lista Serbe po përpiqet të bëjë; ata e dinë se Lista Srpska u është zotuar për besnikëri institucioneve dhe Kushtetutës së Kosovës edhe në kohën kur qeveria udhëhiqej nga përfaqësuesit e të ashtuquajturit “koalicioni i luftës”. Qytetarët nuk mashtrohen lehtë, por kanë nevojë për një inkurajim për të shprehur mendimin e tyre dhe për të ushtruar lirinë e tyre. Dhe tani me siguri mund të them se vendimi ynë për të hyrë në institucione tashmë ka nxitur pluralizimin e opinioneve në mesin e serbëve të Kosovës”, shtoi Trajkoviq.
Ajo thotë, se Ministri Rashiq ka shpallur një iniciativë për të siguruar kthimin funksional të serbëve të Kosovës në qytetet kryesore, përveç Mitrovicës.
Një tjetër prioritet që përmend Trajkoviq do të ishte edhe themelimi i Komunitetit të Komunave Serbe, siç rekomandohet nga DASH, dhe se sipas saj duhet të sigurohet vetëqeverisje për serbët në veri me qëllim lehtësimin e integrimit të tyre.
“Një çështje tjetër që ndikon negativisht në planifikimin e ministrit Rashiq dhe hapat e mi të mëtejshëm në ministri është kriza e vazhdueshme ekonomike, e cila po i prek të gjithë. Është e vështirë të përcaktohen prioritetet dhe buxheti i duhur për arritjen e tyre në kohën kur nuk plotësohen nevojat themelore ekonomike të qytetarëve tanë. Për momentin, ministri Rashiq ka shpallur një iniciativë të re për të siguruar kthimin funksional të serbëve të Kosovës në qytetet kryesore të Kosovës (përveç Mitrovicës), dhe ne jemi të ngazëllyer nga perspektiva e rivendosjes së komuniteteve urbane multietnike të lulëzuara në Kosovë. Një prioritet tjetër do të ishte themelimi i Komunitetit të Komunave Serbe në një formë, siç rekomandohet nga DASH, Gabriel Escobar. Ne duhet të sigurojmë një vetëqeverisje për serbët në veri në mënyrë që të lehtësojmë integrimin e tyre. Ky është një fakt që duhet pranuar, duke lënë mënjanë emocionet e të gjithëve”, përfundoi Trajkoviq.
Të tjera
-
“Alo zemlajke, a po nihemi?” – Publikohet një pjesë nga biseda mes Kusari-Lilës dhe Radojçiqit
Është publikuar një bisedë e shkurtër mes shefes së grupit parlamentar të Lëv...
-
Vizita e Kurtit në fabrikën ku prodhohen dronët Bayraktar, Baykar, ZKM jep detaje
Kryeministri i Republikës së Kosovës, Albin Kurti, gjatë qëndrimit në Stambol...
-
Hendbollisjta me mbulesë nga Guinea që i’a solli Ferizajt kupën e parë në histori
Salematou Camara ka vendosur që karrierën e saj në hendboll ta bëj mijëra kil...
-
Analisti serb Dushan Janjiq: Pas zgjedhjeve të së dielës, Serbia është politikisht më pak stabile
Partia Përparimtare Serbe, e cila përkrahet nga Presidenti Aleksandar Vuçiq, ...
-
Gashi: Kurti me koordinim e pa koordinim ka me e hap urën e Ibrit
Avokati, Tomë Gashi i ftuar në “FIVE”, është shprehur se hapja e urës së Ibri...
-
Arifi flet me mllef për Kurtin: Është “rak”, në zgjedhjet e ardhshme në Kosovë do të jem në operacionin që do ta largojë nga trupi
Ish-kryetari i Preshevës, Shqiprim Arifi komentoi procesin zgjedhor në Luginë...
-
“Auu kuku nanë” – Qytetari e përjeton rëndë paradën e krenarisë në Prishtinë
Java e Krenarisë në Prishtinë do të fillojë në ora 18:00, shkruan Gazeta Info...
-
Reagon Gazmir Raci pas kritikave të shumta që po paguhet 2 mijë euro nga qeveria
Një reagim tejet i madh në publik u bë pasi u raportua që analisti Gazmir Rac...
-
Marrëveshja me Danimarkën për burgjet, Edi Rama pyetet nga RAI3 nëse ai ia kërkoi këtë Kosovës
Kryeministri i Shqipërisë, Edi Rama është përballur mbrëmë me gazetarin itali...
-
Ofruan shërbime mjekësore pa licencim, arrestohet dy gra
Prokuroria Themelore në Prishtinës ka ngritur aktakuzë ndaj dy të dyshuarave ...
-
Rohde: Gjermania e përkushtuar për ta futur Kosovën në KiE, ecja përpara me Asociacionin do ta mundësojë këtë
Ambasadori i Gjermanisë, Jorn Rohde ka folur për forcimin e sundimit të ligji...
-
“Flisni me ata zotërinjtë që po e organizojnë”, deputeti i LVV-së nervozohet kur pyetet për nisjen e “Javës së Krenarisë” në objektin e qeverisë
Sot në orën 18:00 në objektin e qeverisë së Kosovës, nga kryeparlamentari, Gl...