WhatsApp sapo ka bërë një ndryshim të vogël, por që zgjidh një problem që na ndodh të gjithëve. Mesazhet e fshira mund të rikuperohen dhe gjithçka vetëm me një klikim.

Risia lidhet me opsionin Delete for Everyone, i cili lejon fshirjen e një ose disa mesazheve nga dërguesi për të gjithë pjesëmarrësit në një bisedë. Por nëse ju dëshironi të përdorni këtë opsion dhe padashur në vend të tij shtypni Delete for Me, mesazhet do të fshihen vetëm për ju dhe vijojnë të mbeten në celularët e të tjerëve.

Tani, nëse kjo gjë ndodh, automatikisht del menjëherë një tabelë ku shkruhet Undo (Zhbëj), e cila ju lejon që më pas të zgjidhni qetësisht Delete for Everyone. “Tashmë mund ta zhbëni kur aksidentalisht fshini një mesazh që dëshironit ta kishit zhdukur për të gjithë”, u shpreh platforma.

-Advertisement-

Opsioni është tashmë i disponueshëm në përditësimin më të ri të WhatsApp.

Me WhatsApp, komunikimi mes njerëzve ka ndryshuar shumë. Pavarësisht nëse është për shkak të inovacionit dhe përparimit dixhital ose për shkak se është kaq i përshtatshëm dhe i thjeshtë, përdorimi i WhatsApp ka ndryshuar mënyrën se si ne lidhemi me njëri-tjetrin.

Ka më shumë se 2 miliardë përdorues të aplikacionit në mbarë botën dhe algoritmi i tij regjistron më shumë se 100 miliardë mesazhe në ditë

Siguria dhe anonimiteti

Edhe pse ajo që ndodh në internet duket se mbetet në internet, asgjë nuk mund të jetë më larg nga e vërteta. Një pjesë e madhe e monitorimit kryhet në kërkim të shkeljeve të mundshme, krimeve ose bisedave të papërshtatshme që mund të ngrenë një alarm në sferat më të larta të sigurisë botërore.

Kompania bllokoi llogaritë që dërgonin mesazhe masive në të gjitha kontaktet e tyre. Në shumë raste aplikacioni i konsideronte ato si reklama spam.

Platforma e Zuckerberg shpjegon se mesazhet duhet të jenë “për qëllime të ligjshme, të autorizuara dhe të pranueshme”, gjë që nënkupton se përmes mesazheve ata përpiqen të shmangin bisedat që nxisin urrejtje ose diskriminim.

Aplikacioni nuk kontrollon të gjitha bisedat, megjithëse ka disa fjalë që “WhatsApp” nuk i lejon. Termat si ‘pornografia’, ‘pedofilia’ ose disa të ngjashme monitorohen dhe mund të përfshijnë një dënim, si dhe terma që përfshijnë kërcënime, shpifje, frikësim ose ato që nxisin urrejtje.

Shumë nga problemet që hasin këta përdorues janë kur raportohen bisedat e tyre, pikërisht në atë moment aplikacioni vepron dhe mund të bllokojë përkohësisht një numër. Kjo nuk do të thotë se nuk ka blloqe të përhershme, këto ekzistojnë dhe do të thotë që përdoruesi nuk do të mund ta përdorë përsëri aplikacionin me atë numër telefoni.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-