Petkoviq pas marrëveshjes në Bruksel: I ruajtëm targat KM
Autori: Gazeta inFokus 08:32 | 24 November 2022
Negociatori i palës serbe në dialogun Kosovë-Serbi, Petar Petkoviq, ka theksuar se marrëveshja e arritur në Bruksel për targat, nënkupton se nuk do të ketë politika ndëshkuese ndaj serbëve me targa të lëshuara nga Serbia.
“Në kuadër të asaj për të cilën insistonte Beogradi, këtu në godinën e shërbimit të politikës së jashtme të BE-së, pas shtatë orësh, dhe shihni është terr, negociata të vështira, ia kemi dalë që të arrijmë marrëveshje. Kjo marrëveshje do të thotë se s’ka kurrfarë politika ndëshkuese të Albin Kurtit ndaj serbëve që ngasin vetura me targa KM. Me këtë marrëveshje, nesër prej orës 8, nuk ka kurrfarë gjobash prej 150 eurosh që i planifikoi Albin Kurti, siç nuk ka as kurrfarë politika ndëshkuese në fazat e tjera që ishin pjesë e vendimit të Albin Kurtit lidhur me procesin e riregjistrimit”, ka theksuar Petkoviq.
Ai ka theksuar se me këtë marrëveshje e kanë ruajtur paqen.
“Me këtë marrëveshje ia kemi dalë që ta mbrojmë popullin tonë në veri të Kosovës dhe Metohisë. Pra, ajo që është veçanërisht e rëndësishme dhe që dua ta potencoj dhe ta porosis, veçmas popullin serb në Kosovë e Metohi, është se me këtë marrëveshje mbesin targat KM”, ka thënë Petkoviq.
Sipas tij, serbët do të mund t’i përdorin targat e lëshuara nga Serbia dhe do të mund t’i riregjistrojnë sërish veturat, po me këto targa.
“Fjala është për targa që janë të ligjshme ngase i lëshon ligjshëm Republika e Serbisë dhe të cilat serbët në Kosovë e Metohi do të mund t’i përdorin. Ato edhe më tutje do të jenë në përdorim, siç kanë qenë deri më tash. Kjo ndër të tjera do të thotë se absolutisht të gjithë pronarët e automjeteve që posedojnë targa KM do të mund t’i regjistrojnë dhe t’i zgjasin regjistrimet e veturave të tyre me targa KM”, ka deklaruar Petkoviq.
Sipas tij Serbia do të ndalojë së lëshuari vetëm targa të reja KM.
“Një gjë në të cilën do të ndalemi, do të ndalemi së lëshuari targa plotësisht të reja KM dhe kjo krejt derisa të mos e gjejmë një zgjidhje përfundimtare për çështjen e targave. Edhe ashtu, gjatë tre vjetëve të fundit këto targa KM, targa fizike të reja, nuk janë lëshuar. Albin Kurti sonte ka pranuar gjithçka që ka refuzuar gjatë këtyre ditëve”, ka theksuar Petkoviq.
Ai ka theksuar se më këtë marrëveshje ia kanë dalë ta ruajnë paqen dhe stabilitetin.
“Dhe kjo është me rëndësi që ta them. Ia kemi dalë që ta ruajmë paqen dhe stabilitetin, ia kemi dalë që të garantojmë siguri për serbët në veri të Kosovës e Metohisë”, është shprehur Petkoviq.
Ai ka theksuar se është me rëndësi që dialogu po vazhdon. “Gjithsesi, dialogu dhe bisedimet po vazhdojnë dhe kjo është më e rëndësishmja. Duhet të shkojmë rrugës së normalizimit të marrëdhënieve, para së gjithash të normalizimit të marrëdhënieve në terren, kur është fjala për jetën normale dhe jetën e të gjithë njerëzve, si serbëve ashtu edhe shqiptarëve”, ka deklaruar Petkoviq.
Ai ka thënë se ia kanë dal t’i ruajnë targat serbe në Kosovë.
“Ajo që është më me rëndësi, këtë e porosis sonte, prej këtu në Bruksel, popullin serb në Kosovë e Metohi dhe të gjithë pronarët e automjeteve me targa KM, se mund të flenë të qetë – i kemi ruajtur targat tona serbe KM”, ka thënë Petkoviq.
Të tjera
-
Dyshimet për parregullësi në gradimin e policëve, IPK krijon grup të veçantë hetimor
Pasi u raportua se në konkursin për gradim të policëve nga “Polic i lartë” në...
-
VMRO dhe VLEN pajtohen për “shtyllat kryesore” të Qeverisë së re
VMRO DPMNE-ja dhe koalicioni i opozitës shqiptare, VLEN, thanë se kanë arritu...
-
Vrἀsja e Roan Brahimit, partnerja e tij rrëfen momentet e ekzekutimit
Partnerja e Roan Brahimit, i cili u vra me armë zjarri në Athinë ditë më parë...
-
Gërvalla pas takimit me përfaqësuesit e CSU-së: Kosova i ka përmbushur kushtet për anëtarësim në KiE
Ministrja e punëve të Jashtme, ka takuar delegacionin nga landi i Bavarisë, p...
-
Përurohet pllaka me emrin e Nënë Terezës në SHBA
Presidentja e Kosovës, Vjosa Osmani, gjatë vizitës së saj zyrtare në Teksas t...
-
Kurti u përgjigjet atyre që e refuzuan për takim: Mendova se është më së miri të takohemi të gjithë së bashku
Kryeministri i Kosovës, Albin Kurti, ka thënë se është i interesuar që të tak...
-
Ramiz Lladrovci nga Gryka e Bunës: Kapitenit të sprovuar, zakonisht i bëjnë mirë dallgët
Gjatë fundjavës, Ramiz Lladrovci ka postuar pamje duke lundruar, me motobarkë...
-
Si tentoi gjykatësi Kryeziu ta joshte praktikanten 22-vjeçare për djalin e tij me blerje çantash
Një 22-vjeçare derisa po zhvillonte praktikën në Gjykatën Themelore në Gjilan...
-
Presidenti i Këshillit Evropian kërkon nga Izraeli të mos ndërmarrë operacione tokësore në Rafah
Presidenti i Këshillit Evropian, Charles Michel, i ka reaguar qeverisë izrael...
-
Përfundon periudha transitore për dinarin
Sot përfundon periudha transitore e Bankës Qendrore të Kosovës rreth çështjes...
-
Shqipëria pretendon se Rusia ia bombἀrdoi konsullatën në Ukrainë, interesohet për provat
Qeveria shqiptare ka nisur përpjekjet të dokumentojë me prova ligjore, shkatë...
-
SHBA: Izraeli ka gjasë që ka shkelur ligjin ndërkombëtar në Gaza duke përdorur armë amerikane
Administrata e presidentit Joe Biden njoftoi të premten se ishte "e arsyeshme...