Fokus

Elezi: Forcat speciale sekrete, serbe e ruse të pozicionuar në veri, në gatishmëri për të vepruar

Autori: Gazeta inFokus 13:10 | 07 November 2022

Eksperti i Sigurisë, Bedri Elezi, ka dhënë detaje të reja në lidhje me forcat ruse e serbe për të cilat tashmë është konfirmuar se gjenden në veri të Kosovës.

Ai për Gazetën Infokus ka thënë se këto njësi speciale të shërbimeve sekrete ruse dhe serbe janë duke pritur vetëm një veprim nga ana e policisë së Kosovës dhe institucioneve lokale në mënyre që të gjejnë arsyetim për fillimin e aktivitete të dhunshme të planifikuara.

“Fatkeqësisht ajo që kemi deklaruar se në veriun e Mitrovicës kanë zbarkuar një kontigjent i forcave speciale të shërbimeve sekrete ruse dhe serbe, u konfirmua edhe nga qeveria e Kosovës si dhe përfaqësuesit e institucioneve të sigurisë të NATO’s dhe Eulex të cilat veprojnë në Kosovë. Këto forca kanë zbarkuar në veri të Mitrovicës me qellim të koordinimit të aktiviteteve të dhunshme në mes grupeve kriminale si dhe institucionet lokale të cilat udhëhiqen nga qeveria e Serbisë”, ka thënë Elezi.

-Advertisement-

Derisa sipas tij këto njësi ka kohë që janë pozicionuar në veri dhe po presin një veprim nga autoritetet e sigurisë së Kosovës për të vazhduar me planet e tyre.

LEXO EDHE: Alarmon eksperti i sigurisë: Agjentë serbë e rusë janë futur në veri

“Këta njësi mendohet se janë pozicionuar dhe po presin që fillimisht të veprohet nga autoritetet e sigurisë së republikës së Kosovës e më pas të njëjtit të ndërmarrin veprime të dhunshme të cilat në këtë rast do të i interesonin vetëm Serbisë dhe Rusisë”, ka shtuar ai për Infokus.

Duke qenë në një situatë të tillë, Elezi i ka bërë thirrje qeverisë së Kosovës që të reflektojë dhe të veprojë në bashkëpunim me kërkesat e ndërkombëtarëve./Gazeta Infokus/

LEXO EDHE: “Siguria në veri do të dalë jashtë kontrollit, serbët e veriut mund të kërkojnë status special”

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

fokus