Së fundmi, ekspertët kanë paralajmëruar që edhe një sasi e vogël ditore e kafeinës gjatë shtatzënisë, mund të ketë ndikim në gjatësinë e fëmijëve tuaj. Shumica e ushqimeve ose pijeve janë të mira për t’u konsumuar gjatë shtatzënisë, por me disa nga to duhet të keni shumë kujdes apo t’i shmangni. Sipas ‘NHS’ duhet të keni kujdes nga peshku i tymosur, vezët e papërpunuara, si dhe duhet ta monitoroni konsumin e kafeinës.

Kur bëhet fjalë për çajin dhe kafenë, ata thanë se nuk duhet të pini më shumë se 200 mg në ditë. Një filxhan kafeje përmban rreth 100 mg kafeinë, ndërsa një filxhan çaji rreth 75 mg. Megjithatë, mjekët në SHBA konstatuan se edhe një sasi sado e vogël qoftë edhe vetëm gjysmë filxhani, me 50 mg kafeinë mund të ndikojë në gjatësinë trupore të fëmijëve. Ekspertët në Shkollën e Shëndetit Publik të Universitetit të Marylandit studiuan fëmijët e grave që kishin marrë nivele të ulëta të kafeinës.

Kafja ndikon në gjatësinë e fëmijës që prisni?!

-Advertisement-

Ata po ashtu shikuan që fëmijët e tyre kishin nivele të ulëta të paraksantinës, një substancë e cila prodhohet ose hyn në përdorim kur trupi shpërbën ushqimet, barnat apo kimikatet. Pjesëmarrësit të cilët u monitoruan ishin të moshës katër deri në tetë vjeç. Në studimin e botuar nga ‘JAMA Open Network’, mjekët thanë se këta fëmijë ishin më të shkurtër se sa fëmijët e grave të cilat nuk kishin konsumuar fare kafeinë gjatë shtatzënisë. Ekspertët thanë po ashtu se fëmijët e lindur nga nënat që konsumonin kafeinë kishin edhe peshë më të vogël. Mjekët e përfshirë në studim thanë se:

Ndikimi klinik i reduktimeve në gjatësi dhe peshë është i paqartë megjithatë, reduktimet ishin të dukshme edhe me nivelet e konsumit të kafeinës nën udhëzimet e rekomanduara klinikisht prej më pak se 200 mg në ditë.

Rikujtojmë, se skanimet e 100 nënave të ardhshme tregojnë fetuset që japin më shumë përgjigje “të qeshura” ndaj karotave, por reagime “të qara” ndaj lakrës së gjelbër. Gjetjet nga shkencëtarët në Universitetin Durham tani mund të ndihmojnë kërkimin se si zhvillohen receptorët e shijes dhe nuhatjes njerëzore. Ata besojnë se çfarë mund të ndikojë gratë shtatzëna në preferencat e shijes së fëmijëve të tyre dhe mund të ndihmojë në formimin e zakoneve të shëndetshme të të ushqyerit.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-