Sport

Ronaldo reagon për të ardhmen dhe sulmon mediat: Gënjeni, emri im sjell para!

Autori: Gazeta inFokus 14:23 | 29 July 2022

Cristiano Ronaldo ka qenë në qendër të mediave më prestigjioze ditët e fundit duke qenë se portugezi nuk e ka vendosur të ardhmen e tij teksa ndryshe nga Manchester United, pretendon që në sezonin e ri të luajë në Champions League.

Ndaj, së fundmi janë përmendur shumë klube si destinacione të mundshme për CR7, diçka që nuk i ka pëlqyer vetë 37-vjeçarit që nëpërmjet një postimi në Instagram thekson se nëse nuk do të ishte emri i tij në qendër të thashethemeve atëherë mediat nuk do të bënin dot para.

“Është e pamundur që të mos flasin për mua çdo ditë. Megjithatë e kuptoj pasi në të kundërt mediat nuk do të bënin dot para, ata e dinë shumë mirë se nëse nuk gënjejnë atëherë nuk tërheqin audiencë. Vazhdoni kështu, ndoshta një ditë do ta qëlloni të vërtetën”, shprehet Ronaldo në rrjetet sociale.

-Advertisement-