Lajme

INDEP shënon Ditën Ndërkombëtare pa qese të plastikës

Autori: Gazeta inFokus 15:14 | 04 July 2022

Instituti për Politika Zhvillimore (INDEP), ka bërë të ditur se dje (3 korrik), është shënuar Dita Ndërkombëtare pa qese plastike, shkruan Gazeta Infokus.

Nja ky njoftim thuhet se kjo ditë inkurajon njerëzit të reduktojnë përdorimin e qeseve plastike.

“Qeset e plastikës për një përdorim, shpërndahen falas në të gjitha llojet e dyqaneve në Kosovës, por kjo është paralajmëruar që me fillim të vitit 2023 se do të ndryshoj me vendosjen e një çmimi të caktuar në çdo qese të plastikës. Ndikimi negativ i tyre në mjedis shkon përtej dekadave duke konsideruar se duhen shumë vite që ato të dekompozohen”, thuhet në këtë njoftim.

-Advertisement-

Po ashtu është bërë e ditur se përveç kësaj kur qeset e plastikës shkatërrohen nën rrezet e diellit, në tokë lëshohen substanca toksike.

“Përveç kësaj, kur qeset e plastikës shkatërrohen nën rrezet e diellit, në tokë lëshohen substanca toksike. Andaj, kjo ditë kërkon alternativa më të sigurta për të demonstruar se një botë pa përdorimin e kaq shumë plastikës është e mundur. INDEP në kuadër të projekteve të shumta dhe kampanjave vetdijesuese snon gjithmonë promovimin e largimit të materialeve ndotëse për mjedisit, si dhe ndërrimin e sjelljes së qytetarëve karshi mjedisit”, thuhet tutje në njoftimin e INDEP./Gazeta Infokus/