Ankohen kandidatët që kaluan provimin e noterisë: Albulena Haxhiu po e bllokon qëllimisht procesin edhe pas vendimit të Gjykatës
Autori: Gazeta inFokus 18:26 | 14 April 2022
Një grup i kandidatëve që e kanë kaluar provimin noterisë në konkursin e shpallur nga Ministria e Drejtësisë kanë shprehur shqetësim për bllokimin e këtij procesit nga ministrja e Drejtësisë, Albulena Haxhiu
Në deklaratën e tyre thuhet se Haxhiu ka anuluar kundërligjshëm këtë proces më 24 shkurt 2020, që sipas tyre kanë shtyrë kandidatët që kishin kaluar provimin që të ngrisin padi ndaj vendimit të saj në Gjykatën Themelore në Prishtinë-Departamenti për Çështje Administrative.
“Më 01 mars 2022, Gjykata Themelore në Prishtinë – Departamenti për Çështje Administrative ka shpallur aktgjykimin dhe ka aprovuar padinë e kandidatëve, duke anuluar vendimin e ministres dhe vërtetuar se procesi i provimit të noterisë ishte i ligjshëm dhe i drejtë. Megjithatë ky vendim i Gjykatës nuk është zbatuar as sot e kësaj dite pikërisht nga ministrja Haxhiu që e drejton Ministrinë e Drejtësisë. Ajo ka injoruar të gjitha vendimet e instancave që e kanë vlerësuar të drejtë procesin e përzgjedhjes së noterëve. Në këtë kontekst, përveç Gjykatës Themelore që ka shpallur aktgjykimin edhe institucionet tjera, si Agjencia Kundër korrupsionit dhe Departamenti për krime Ekonomike kanë konstatuar se ne këtë proces nuk ka pasur asnjë shkelje. Megjithatë situata ka mbetur e bllokuar, duke shqetësuar tejmase kandidatët që kanë kaluar procesin. Kjo situatë është tepër serioze dhe shqetësuese për funksionimin e shtetit ligjor, meqë ai po sfidohet seriozisht nga bartësit e institucioneve shtetërore. Si pasojë është përkeqësuar funksionimi i noterisë në Kosovë dhe në të njëjtën kohë janë krijuar monopole nga noterë aktualë, duke dëmtuar së tepërmi me shërbime qytetarët tanë. Të gjitha këto, nuk i kanë bërë përshtypje ministres Haxhiu, e cila madje paralajmëron hapjen e konkursit të ri për noterë. Kjo sjellje në kundërshtim me ligjin nga ministrja e Drejtësisë, nuk është vetëm një paradoks i llojit të vet, por edhe një përmbysje e jetës institucionale”, thuhet në deklaratë.
Më tej thuhet se ata që po dëmtohen nga kjo sjellje e ministres që do të duhej të zbatonte e para ligjin dhe jo të abuzonte me të, nuk ka mbetet asnjë mundësi tjetër vetëm të vazhdojnë betejën në kuadër të procedurave dhe rregullave të shtetit ligjor.
“Do të përballemi ligjërisht me vendimet antiligjore të ministres Haxhiu. Të shqetësuar tejmase me këtë situatë, ne ftojmë shoqërinë civile, mediet dhe drejtuesit e ambasadave të akredituara në Kosovë, që të reagojnë për këtë rast që paraqet shkelje të të drejtave të njeriut dhe përmbysje të shtetit ligjor. Nëse një ministër ka fuqi të kundërshtoj vendimin e gjykatës, atëherë mund të themi se ka rënë shteti ligjor. Kjo është një situatë e frikshme për qytetarët që respektojnë ligjin. Ky është një mesazh që motivon ata që janë kundër ligjit. Megjithatë ne nuk do të heqim dorë nga rruga që ofron ligji për realizimin e të drejtave tona dhe do ta mbajmë përgjegjës para ligjit ministren për shkeljet ligjore që po i bënë në vazhdimësi lidhur me këtë proces”, thuhet në deklaratë.
Të tjera
-
Letra e evropianëve për Kurtin, Rama: Kosova ta bëjë pjesën e saj nga A në Zh, pa pyetur çka duhet të bëj Serbia
Letrën e para pak ditësh, ku Gjermania, Franca dhe Italia i thonë Kosovës që ...
-
Detajet e fundit nga helikopteri i rrëzuar i presidentit iranian – ka pasur kontakt me anëtarët e ekuipazhit
Është bërë kontakt me një pasagjer dhe një anëtar të ekuipazhit të helikopter...
-
Kush është Ebrahim Raisi, Presidenti i Iranit që u aksidentua me helikopter
Presidenti i Iranit, Ebrahim Raisi, i cili është zhdukur në malet e Iranit pa...
-
Njoftimi nga Uashingtoni për takimin Allen-Kurti, nënvizohet mbështetja e SHBA për dialogun me Serbinë
Departamenti Amerikan i Shtetit ka dhënë detaje për takimin e Nënsekretares p...
-
AAK po rritet në Gjermani, Haradinaj: Jemi bashkë në përkushtimin tonë për ta orientuar vendin drejt zhvillimit
Kryetari i Aleancës për Ardhmërinë e Kosovës (AAK), Ramush Haradinaj, ka thën...
-
Përleshen familjarët në Shtime – tre nga ta përfundojnë në Qendrën Emergjente të Ferizajt
Tre anëtarë të një familje në Shtime dërgohen në Emergjencë, dyshohet se u rr...
-
350 kandidatë i nënshtruan testit për pozitat e 24 prokurorëve të rinj të shtetit
Këshilli Prokurorial i Kosovës (KPK) organizoi mbajtjen e Testit Kualifikues,...
-
Ekipet e ASK-së do të vazhdojnë regjistrimin e qytetarëve në 11 komuna
Qytetarët e 11 komunave do të mund t’i shfrytëzojnë edhe pesë ditë që të regj...
-
Osmani nesër pret në takim ministren për Zhvillim Social dhe Familje të Katarit
Nesër, presidentja e Kosovës, Vjosa Osmani pret në takim ministren për Zhvill...
-
Raportohet se është gjetur helikopteri i rrëzuar në të cilin ishte Presidenti i Iranit
“The Guardian”, duke iu referuar raportimit të televizionit shtetëror të Iran...
-
Tahiri: Arratisja e Sekiraqës dështimi i radhës i drejtësisë, një arsye më shumë për zgjedhje
Shefi i Grupit Parlamentar të PDK-së, Abelard Tahiri ka thënë se sundimi i li...
-
Rrëzohet helikopteri i presidentit të Iranit, ai ishte brenda tij
Një helikopter që transportonte presidentin Ebrahim Raisi është dashur të bëj...