Lajme

Haxhiu: Kurti ka ndryshuar qëndrim për mbajtjen e zgjedhjeve serbe

Autori: Gazeta inFokus 08:10 | 22 March 2022

Deputeti i Partisë Demokratike të Kosovës, Bekim Haxhiu ka thënë se Qeveria dhe partia në pushtet është në kundërshtim me deklarimet e mëhershme, sa i përket mbajtjes së zgjedhjeve të Serbisë në Kosovë.

Sipas tij, kryeministri Albin Kurti është deklaruar pro mbajtjes së zgjedhjeve, ndonëse në të kaluarën e ka kundërshtuar një gjë të tillë.

Ai thotë se Qeveria është përgjegjëse për zbatimin e sovranitetit dhe integritetit territorial të Kosovës.

-Advertisement-

Tutje, ai tha se qytetari duhet ta kërkojë përgjegjësi nga Qeveria edhe për rritjen enorme të çmimeve.

“Qeveria është në disproporcion me deklarimet e saj dhe kemi një deklarim të fundit të kryeministrit sa i përket lejimit të mbajtjes së zgjedhjeve dhe vetëm se është në kundërshtim me deklarimet e mëhershme të Qeverisë, por edhe të partisë në pushtet sa i përket mbajtjes së zgjedhjeve të Serbisë në Kosovë”.

“Përgjegjësinë qytetari duhet ta kërkojë nga Qeveria sepse në pushtet erdhën për ndryshim ndërsa ndryshimi për fat të keq të qytetarëve është vetëm për keq duke e parë një rritje enorme të çmimeve. Tek ne si opozitë nuk ka asnjë presion. Qeveria është përgjegjëse për zbatimin e sovranitetit dhe integritetit territorial të Kosovës”.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme