Sport

E vërteta e telefonatës së babait të “pleshtit” me Barçën

Autori: Gazeta inFokus 13:52 | 15 March 2022

Lionel Messi nuk ndihet aspak mirë te skuadra e Paris Saint-Germain dhe kjo kuptohet më së miri pas fishkëllimave të tifozëve parizienë ndaj tij dhe Neymar pas eliminimit nga Champions League nga Real Madridi.

Mediet në Spanjë raportojnë se argjentinasi është duke menduar seriozisht rikthimin te skuadra e Barcelonës, madje më tej shtohet se babai i tij ka telefonuar drejtuesit e klubit “blaugrana” për të ofruar rikthimin e “pleshtit”.

Megjithatë nuk dihet nëse një gjë e tillë mund të ndodhë për shkak se sulmuesi ka kontratë deri në 2023-shin me PSG-në.

-Advertisement-

Bazuar në këto raportime, Barça ka siguruar se nuk ka pasur një telefonatë nga Jorge Messi dhe se e shohin si shumë të vështirë që të ndodhë një rikthim i yllit të Argjentinës.