Lajme

A janë të kalueshme rrugët pas reshjeve të borës, tregojnë nga Ministria e Infrastrukturës

Autori: Gazeta inFokus 10:06 | 21 January 2022

Ministria e Mjedisit, Planifikimit Hapësinor dhe Infrastrukturës ka bërë të ditur se gjendja e rrugëve në Kosovë janë të qarkullueshme, edhe pas reshjeve të borës.

Në njoftimin e ministrisë bëhet e ditur se kompanitë e kontraktuara kanë qenë në terren gjatë natës dhe kanë larguar borën nga rrugët, e po ashtu, kanë hedhur kripë në të gjitha rrugët.

“Pas reshjeve të fundit të borës, sipas informatave të siguruara nga terreni për mirëmbajtje verore dhe dimërore, gjendja e rrugëve në gjithë vendin është e mirë. Të gjitha rrugët në vendin tonë janë të qarkullueshme për të gjitha automjetet. Kompanitë e kontraktuara nga ana e Ministrisë së Mjedisit, Planifikimit Hapësinor dhe Infrastrukturës, kanë intervenuar gjatë gjithë natës, me pastrim të borës dhe hedhje të kripës në të gjitha rrugët duke e rritur nivelin e sigurisë për qarkullim më të lehtë”, thuhet në njoftim.

-Advertisement-

Ministria ka kërkuar nga pjesëmarrësit në komunikacion që të kenë kujdes gjatë vozitjes.

“Në viset malore ka pas reshje të borës më shumë por rrugët janë të kalueshme, ndërsa kërkohet që të vozitet duke iu përshtatur kushteve atmosferike. Kompanitë gjatë ditës do të punojnë në përmirësimin e gjendjes së rrugëve për qarkullim sa më të sigurt të automjeteve. Kërkojmë nga të gjithë qytetarët që jenë të kujdesshëm gjatë vozitjes duke iu përshtatur kushteve të rrugëve”, thuhet në njoftim.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme